Gothic II

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Gothic II
Распрацоўнік Сьцяг Нямеччыны Piranha Bytes
Выдаўцы

JoWooD;


Сьцяг РасеіАкелла
Рухавік ZenGin
Плятформы PC (Windows)
Дата выпуску 2002
Дата анансаваньня

Сьцяг Нямеччыны 29.11.2002
Сьцяг Вялікабрытаніі 13.07.2003
Сьцяг ЗША 28.03.2003

Сьцяг Францыі 25.03.2005
Апошняя вэрсія і дата апошняй вэрсіі 2.60
Жанр RPG
Сыстэмныя патрабаваньні
700 MHz CPU, 256 MB RAM, 32 MB GPU
Працэсар 700 MHz

Gothic II (Готыка-2) — культавая кампутарная гульня, другая прыгодніцкая RPG з сэрыі «Gothic», анансаваная 29 лістапада 2002 году.

Сюжэт[рэдагаваць | рэдагаваць крыніцу]

Дзеяньне другой Готыкі пачынаецца праз тры тыдні пасьля падзеяў першай часткі.

Асноўнае сюжэтнае дзеяньне разгортваецца на высьпе Харыніс (ангел. Khorinis), разьмешчанай недалёка ад марскога берага каралеўства Міртана (ангел. Myrtana). Галоўнае паселішча выспы — аднайменны партовы горад, якім часова кіруе камандыр атраду паладзінаў — лорд Хаген (ангел. Lord Hagen). Выспа Харыніс вядомы, першым чынам, сваёй «Рудніковой Далінай» — «Мінэнталь» (у якой разгортваліся ўсё дзеяньні Gothic I). На працягу шматлікіх гадоў над усёй далінай распасьціраўся магічны бар'ер і ўсіх зьняволеных каралеўствы Міртаны адпраўлялі туды. Так даліна стала выпраўленчай калоніяй для шматлікіх прысуджаных.

Акрамя таго, на высьпе ёсьць некалькі невялікіх сялянскіх сядзібаў, якія апрацоўваюць глебу для гадоўлі злакаў і гародніны, а таксама разводзяць хатнюю жывёліну. На працягу шматлікіх пакаленьняў самы вялікі двор прыналежыць абшарніку Анару, які здае ў арэнду іншым сялянам найбліжэйшыя землі.

Дзесьці ў цэнтры выспы разьмешчаны стары кляштар служэбнікаў Інаса (ангел. Innos), якім кіруюць Чараўнікі Агню. Таксама яны праводзяць магічныя і алхімічныя дасьледаваньні і вырабляюць найсмачнейшае віно.

А дзесьці ў нязьведаных марскіх водах ёсьць змрочная выспа Ірдарат (ангел. Irdorath)…

Пасьля таго як Сьпячы быў зрынуты і магічны бар'ер упаў, пратаганіст (галоўны герой) быў пахаваны пад завалай з каменных груд і выжыў толькі дзякуючы дасьпехам з магічнай руды.

Нэкрамант Ксардас (ангел. Xardas) выратаваў Галоўнага Героя, праляжалага пад абломкамі Храма Спячага тры тыдні. З гутаркі з Ксардасам Галоўны Герой пазнае, што Сьпячы сваім перадсьмяротным крыкам абудзіў войскі цемры з царства Бэліяра (ангел. Beliar): цмокаў, дэманаў, оркаў і іншае паскудьдзе. Для перамогі над ворагам трэба знайсьці нейкі старажытны артэфакт — «Вока Інаса» (ангел. The Eye of Innos), які знаходзіцца ў Ордэна паладзінаў. Для гэтага трэба патрапіць у горад Харыніс і пагаварыць з лордам Хагеным. Адна з самых вялікіх праблем — гэта страта ўсіх каштоўных навыкаў і ўменьняў, якія набыў герой падчас сваіх папярэдніх падарожжаў.

Пэрсанажы[рэдагаваць | рэдагаваць крыніцу]

  • Пратаганіст (Безназоўны Герой) — малады, гадоў трыццаці, мужчына. Вядомы па гульні Gothic як асуджаны на вечнае зняволеньне ў «Рудніковай Даліне».
  • Ксардас — былы вярхоўны чараўнік круга агню Харыніса, адзін з трынаццаці чараўнікоў, якія ўсталявалі магічны Бар'ер вакол «Рудніковай Даліны». Дапамагаў Безназоўнаму Герою на працягу гульні.
  • Дыега - галоўны са Зданяў першай гульні Gothic. Да падзеяў другой гульні сэрыі Дыега трапіўся ў рукі паладзінаў і быў сасланы ў адну з шахт па здабычы магічнай руды. Рудакопы гэтай шахты нарваліся на логава паўзуноў, і загінулі. Пакінутыя ў жывых двое паладзінаў і Дыега, спрабуючы выратаваць руду, панесьлі яе ў бясьпечнае месца. Але па дарозе прадстаўнікі ўлад загінулі, выратавацца атрымалася толькі Дыегі. Тамака ён зноў сустрэўся зь Безназоўным Героем. Карыстаючыся выпадкам, ён пакінуў «Рудніковую Даліну», пасьля чаго ў горадзе Харыніс не без дапамогі пратаганіста вярнуўся да свайго бізнэсу. Тады жа высьвятляецца, што ён працаваў на мясцовага гандляра, аказваючы яму паслугі па ўхіленьні канкурэнтаў, што ў выніку і прывяло яго да зьняволеньня ў турэмнай калоніі. Далучыўся да Галоўнага Героя ў рызыкоўным паходзе супраць Цмока-Нежыці. Зь ім і іншымі чальцамі каманды адплыў у Міртану.
  • Мільтэн - Адзіны з служэбнікаў Інаса за Бар'ерам, хто выжыў пасьля абвінавачваньня Гамэзам усіх чараўнікоў Круга Агня ў здрадзе і наступнага іх пакараньня сьмерцю. Пасьля абвальваньня Бар'ера адправіўся ў Кляштар Інаса блізу гораду Харыніс, але тут жа быў дасланы разам з экспэдыцыяй паладзінаў у «Рудніковую Даліну», як правадыр і духоўны лідэр. Пасьля ўдзельнічае ў паходзе супраць Цмока-Нежыці і сплывае з Галоўным Гэроем на мацярык. Зьяўляецца самым маладым чараўніком Круга Агню.
  • Горн — адзін з наймітаў «Новага лагера». Пасьля абвальваньня Бар'ера быў схоплены паладзінамі і заменчаны ў замкавым астроге «Старога Лагера», дзе і разьмясьціліся самі паладзіны. Пасьля таго, як Безназоўны Гэрой выцягвае яго з-за кратаў, уступае ў шэрагі свайго старога сябра Лі, але неўзабаве вяртаецца ў «Рудніковую Даліну» дзеля паляваньня на цмокаў. Удзельнік паходу на Цмока-Нежыць. Сплывае разам з галоўным героем гульні на мацярык

Новаўвядзеньні[рэдагаваць | рэдагаваць крыніцу]

  • Дададзеная новая гільдыя — Ордэн Паладзінаў.
  • Фэнтэзійны мір памерам больш за 25 квадратных кілямэтраў.
  • Зьявіліся новыя NPC, у прыватнасьці жанчыны.
  • Зьявіліся новыя монстры.
  • Зьявіліся статуі Інаса і Беліяра, мелыя функцыянальнае значэньні.
  • Зьявілася сыстэма прапампоўкі зброі.

Распрацоўнікі[рэдагаваць | рэдагаваць крыніцу]

  • Horst Dworczak — галоўны мастак.
  • Mattias Filler — сцэнар, скрыптынг.
  • Stefan Kalveram — сцэнар, скрыптынг.
  • Bjoern Pankratz — дызайнэр.
  • Mike Hoge — дызайнэр.
  • Sascha Henrichs — 3D/2D мастак.
  • Kai Rosenkranz — музыка, эфэкты.
  • Nico Bendlin — праграміст.