MediaWiki
Зьвесткі зь Вікіпэдыі — вольнай энцыкляпэдыі.
МэдыяВікі (MediaWiki, не блытаць з Вікімэдыя) – праграмнае забесьпячэньне тыпу вікі, якое выкарыстоўваецца ўсімі вікіпэдыямі і некалькімі іншымі праектамі, якія знаходзяцца пад кіраўніцтвам Wikimedia Foundation, а таксама некалькімі незалежнымі праектамі. МэдыяВікі напісана з выкарыстаньнем РНР і распаўсюджваецца згодна з умовамі ліцэнзіі GNU GPL. Ядром базы зьвестак служыць база MySQL ці PostgreSQL. Для адлюстраваньня матэматычных формулаў выкарыстоўваецца кампутэрная мова TeX.
Апошняя стабільная вэрсія МэдыяВікі была выдадзена 20 сакавіка 2008 года – вэрсія 1.12.0 (Winter 2008) якая патрабуе не ніжэй РНР 5.1, а ў праектах Вікімэдыя ўжо выкарыстоўваецца вэрсія 1.13alpha. Сучасны стан можна ўдакладніць на старонцы Спэцыяльныя:Вэрсія. Так сама ў вольным доступе ёсьць вэрсіі 1.11.x, 1.10.x, 1.9.x, 1.8.x, 1.7.x i 1.6.x.
Праграмнае забесьпячэньне МэдыяВікі мае модульную будову і без асаблівых цяжкасьцяў можа мадыфікавацца і паляпшацца з дапамогай пашырэньняў (па-ангельску: extensions), якія дадаюць новыя функцыі карыстальнікам як новыя спэцыяльныя старонкі, ці новыя мажлівасьці непасрэдна ў віках.
Асобы, якія жадаюць стварыць сэрвіс з дапамогай МэдыяВікі, могуць гэта зрабіць з дапамогай спэцыяльных праграмаў. Мажлівасьцямі МэдыяВікі карыстаюцца шматлікія сэрвісы, якія не зьвязаныя з Вікімэдыя. Часта яны карыстаюцца з асяродзьдзя Open Source. Існуе мажлівасьць стварэньня ўласных лякальных асяродзьдзяў вікі.
[рэдагаваць] Гісторыя праграмнага забесьпячэньня Вікіпэдыі
Першапачаткова, з 10 студзеня 2001 года, Вікіпэдыя карысталася UseModWiki, напісанага Кліфардам Адамсам (Phase I) ўтварала сыстэму з CamelCase. Праз год, у студзені 2002 года было створана ядро, якое выкарыстоўвала РНР (напісанае Магнусам Манскі) (Phase II) , з MySQL як базай зьвестак і Apache як сэрвэрам WWW. У гэтай вэрсіі не выкарыстоўвалася CamelCase. Аднак хутка зьявіліся праблемы, якія практычна блякавалі рэдагаваньне пароляў. Лі Даніэл Кокер напісаў праграмнае забесьпячэньне і мэханізм, які цяпер вядомы як MediaWiki (Phase III). Ён распачаў працу ў ліпені 2002 года. Удасканаленьнем Мэдыя Вікі займаўся Браян Вібер, які кіруе фондам і ў нашы дні.
20 сакавіка 2005 года была выдадзена вэрсія 1.4 праграмнага забесьпячэньня, а вэрсія 1.5 выйшла 5 кастрычніка 2005 года. 5 траўня 2006 года выйшла вэрсія 1.6.
[рэдагаваць] Вонкавыя спасылкі
MediaWiki — сховішча мультымэдыйных матэрыялаў
| Праекты Фундацыі Вікімэдыя | ||
|---|---|---|
| Вікікнігі (Вікіджуніор) · Вікісховішча · Вікіінкубатар · Вікінавіны · Вікіпэдыя · Вікіцытатнік · Вікікрыніца · Віківіды · Віківэрсытэт · Вікіслоўнік · Мэта-Вікі |  |
|
| Гісторыя Вікіпэдыі | |
|---|---|
| Галоўныя артыкулы | Гісторыя · Фундацыя Вікімэдыя · Вікіманія · MediaWiki · Дакладнасьць · Крытыка · Выдалізм і ўключызм · WikiScanner |
| Людзі | Джымі Ўэйлз · Лары Сэнгер · Фларэнс Дэвуа · Анджэла Біслі · С'ю Гарднэр · Эрык Мёлер · Майкл Сноў |
| Падзеі | Блякаваньне Вікіпэдыі ў Кітаі · Рэдагаваньне Вікіпэдыі супрацоўнікамі Кангрэса ЗША · Палеміка вакол Essjay · Інцыдэнт Сайгенталера · Падвойнае забойства Крыса Бэнуа і суіцыд · Генрык Батута · Ісьціна ў лічбах: Гісторыя Вікіпэдыі |
| Падобныя праекты і адгалінаваньні | Bomis · Нупэдыя · Citizendium · Enciclopedia Libre Universal en Español · Interpedia · Veropedia · Вікія · Wikiweise · Викизнание · WikiPilipinas |
| Ўэбсайты | Wikipedia Review · Wikitruth · Wikipedia Watch |
