Opera
| Opera | |
 |
|
| Распрацоўка | Opera Software ASA |
|---|---|
| Апошняя вэрсія | (27 сакавіка 2012 г.) Windows[1],Mac[2],Unix[3] |
| АС | Кросплятформавая |
| Тып | Браўзэр |
| Ліцэнзія | Прапрыетарная |
| Афіцыйная старонка | (анг.)http://www.opera.com |
Opera (па-беларуску: Опэра) — бясплатны азіральнік сеціва з крос-плятформавым ядром. Працуе ў асяродзьдзі Windows, Макінтош, Лінукс, FreeBSD, Solaris, а таксама на мабільных плятформах Symbian, Java ME. Opera таксама адзіны браўзэр для гульнявых прыставак Нінтэнда. У 2009 годзе колькасьць карыстальнікаў Опэры дасягнула 40 мільёнаў чалавек, дзякуючы прадусталяванасьці на такіх мабільных прыладах, як сотавыя тэлефоны, смартфоны і кішэнныя кампутары. Існуе ў перакладзе й на беларускую мову[4].
Зьмест |
Мінуўшчына [рэдагаваць]
У красавіку 1994 года навукоўцы дасьледніцкай лябараторыі нарвэскага прадпрыемства, цяпер вядомага як Тэленор, Ён Тэчнер і Хейр Іваршы пачалі стварэньне арыгінальнага азіральніка сеціва для настольных кампутараў. Першае выданьне праграмы зьмяшчала аснову для выкарыстаньня ўкладак, якія дазваляюць загружаць і праглядаць адначасова некалькі вэб-старонак у адным вакне браўзэра.
У 2001 годзе Opera пачала падтрымліваць прыладу жэсты мышы, якая палепшыла навігацыю ў сеціве, сыстэму хуткага набору, якая дазваляе хутка адчыняць сайты з галоўнай панэлі браўзэра, і мэханізм сынхранізаваньня. У 2009 годзе браўзэр стаў падтрымліваць сьцісканьне зьместу вэб-старонак, што дазволіла хутчэй іх загружаць. Браўзэр падтрымлівае наступныя магчымасьці:
- паштовы кліент;
- адрасная кніга;
- файлаабменная сетка BitTorrent;
- стужкі навінаў;
- IRC;
- кіраваньне запампоўкамі;
- падтрымка пратаколу бяздротавых праграмаў[5].
Дзявятае выданьне [рэдагаваць]
20 чэрвеня 2006 года пабачыла сьвет дзявятае выданьне браўзэра зь перакладам на 25 моваў[6] і наступнымі новымі ўласьцівасьцямі:
- падтрымка файлаабмену праз сетку BitTorrent;
- падтрымка фішак (убудоваў);
- магчымасьць дадаваць пошукавікі[7].
Дзясятае выданьне [рэдагаваць]
1 верасьня 2009 года выйшла Opera 10 зь перакладам на 43 мовы і наступнымі зьменамі:
- падтрымка вызначэньня хуткасьці перадачы дадзеных і ў выпадку яе паніжэньня сьціску зьместу вэб-старонкі для хутчэйшага адкрыцьця;
- паменшаныя малюнкі вэб-старонак на панэлі з укладкамі пры апусканьні яе ніжняе мяжы;
- магчымасьць наладкі панэлі, што адлюстроўвае наведаныя вэб-старонкі;
- аўтаматычная загрузка абнаўленьняў;
- праверка правапісу на аснове адчыненага слоўніка Hunspell, які падтрымлівае 51 мову[8].
Крыніцы [рэдагаваць]
- ^ Opera 11.62 for Windows changelog
- ^ Opera 11.62 for Mac changelog
- ^ Opera 11.62 for UNIX changelog
- ^ (анг.)Opera Download// Сайт "Opera". Дата доступу: 1 верасьня 2009
- ^ Браўзэру Opera споўнілася 15 гадоў// Беларускія навіны ІТ. 28 красавіка 2009
- ^ (анг.)Jon Tetzchner. Your Web, Your Choice: Opera 9 Gives You the Control// Opera Software. Дата доступу: 23 верасьня 2009
- ^ (анг.)Jim Rapoza. Opera 9 Is Music to eWEEK Labs Ears// eWeek. 10 ліпеня 2006
- ^ Выйшла фінальная версія Opera 10// Беларускія навіны ІТ. 1 верасьня 2009
Вонкавыя спасылкі [рэдагаваць]
 |
Гэта — накід артыкула пра Інтэрнэт. Вы можаце дапамагчы Вікіпэдыі, пашырыўшы яго. |
Opera — сховішча мультымэдыйных матэрыялаў
