Radom Air Show
Radom Air Show (па-беларуску: Радамскае авіяшоў) — авіяімпрэза, якая ладзіцца раз за два гады на аэрапорце Радам-Садкоў у Радаме (Мазавецкае ваяводзтва, Польшча). Першае авіяшоў было арганізавана ў 1991 годзе ў Познані. У 2001 годзе паказы перанесьлі ў Радам. Падчас імпрэзы маюць месца паднебныя паказы авіяцыі, выставы абсталяваньня, канцэрты, забавы для дзяцей ды іншыя.
У гісторыі імпрэзы мелі месца два трагічныя выпадкі. Падчас авіяшоў 1 верасьня 2007 году ў паветры падчас выкананьня акрабатычнай фігуры сутыкнуліся два польскіх пілётаў з групы «AZL Żelazny» зь Зялёнай Гары; пілёты загінулі. 30 жніўня 2009 году разьбіўся беларускі самалёт-зьнішчальнік Су-27; абодва пілёты — палкоўнік Аляксандар Марфіцкі (намесьнік камандуючага Заходняга апэратыўна-тактычнага камандаваньня Ваенна-паветраных сілаў і войскаў ПВА) і палкоўнік Аляксандар Жураўлевіч (намесьнік камандзіра 61-й зьнішчальнай авіяцыйнай базы ў Баранавічах) — не катапультаваліся й загінулі.[1]
Крыніцы[рэдагаваць | рэдагаваць крыніцу]
- ^ Трагедыя на авіяшоў у Польшчы // Наша Ніва, 30 жніўня 2009 г.
Вонкавыя спасылкі[рэдагаваць | рэдагаваць крыніцу]
Radom Air Show — сховішча мультымэдыйных матэрыялаў