The Rolling Stones

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
The Rolling Stones
RollingStonesNice080806.jpg
The Rolling Stones (зьлева направа): Роні Ўуд, Чарлі Ўотс, Мік Джагер, Кіт Рычардз
Інфармацыя
Гады 1962 - зараз
Адкуль Вялікабрытанія
Мова ангельская
Жанр Рок, рок-н-рол, рытм-н-блюз, блюз-рок
Выдавец Decca, London, Rolling Stones, Virgin, ABKCO, Interscope, Polydor
Афіцыйная старонка http://www.rollingstones.com/
Удзельнікі
Удзельнікі Роні Ўуд,
Чарлі Ўотс,
Мік Джагер,
Кіт Рычардз
Былыя ўдзельнікі Браян Джонс,
Ян Ст’юарт,
Дык Тэйлар,
Мік Тэйлар,
Біл Вайман

The Rolling Stones — ангельскі рок-гурт, створаны ў 1962 годзе ў Лёндане мультыінструмэнталістам Браянам Джонсам ды піяністам Янам Ст’юартам, да якогда неўзабаве далучыліся сьпявак Мік Джагер і гітарыст Кіт Рычардз. Басіст Біл Вайман і бубнач Чарлі Ўотс давяршылі пачатковы склад гурту, а Ст’юарт, які не падыходзіў да вобразу ідала падлеткаў, быў выключаны с афіцыйнага сьпісу ўдзельнікаў у 1963, але заставаўся клявішнікам гурта і тур-мэнаджарам да сваёй сьмерці ў 1995.

На пачатковай стадыі існаваньня гурту Джагер і Рычардз склалі аўтарскі дуэт і паступова перахапілі ініцыятыву ў Джонса, які цягам часу стаўся ўсё болей праблемным і ненадзейным. Першапачаткова гурт выконваў амэрыканскія блюзы і рытм-н-блюз, але ад альбому 1966 «Aftermath» на дыскі сталі трапляць пераважна ўласныя кампазіцыі аўтарства Джагера/Рычардза. Мік Тэйлар замяніў Джонса незадоўга да ягонай сьмерці ў 1969, але сам сыйшоў з гурту ў 1974 і быў заменены ў 1975 на былога гітарыста «Faces» Роні Ўуда, які грае з гуртом і сёньня. Вайман сышоў з гурту ў 1992, басіст Дэрыл Джонс, які не з’яўляецца афіцыйным чальцом гурту, грае ад 1994

Спачатку папулярныя ў Вялікабрытаніі і Эўропе, The Rolling Stones трапілі ў ЗША напачатку 1960-х падчас «Брытанскага нашэсьця». Гурт выпусьціў 22 студыйных альбомы (24 у ЗША), 8 канцэртавых дыскаў (9 у ЗША) і шматлікія кампіляцыі; агульныя продажы дыскаў склалі больш за 200 мільёнаў асобнікаў па ўсім сьвеце[1]. Дыск Sticky Fingers (1971) распачаў чаргу з васьмі пасьлядоўна створаных альбомаў, што траплялі на першае мейсца ў амэрыкансіх чартах. Апошні альбом гурта, A Bigger Bang, выйшаў у 2005. У 1989 The Rolling Stones трапілі ў Залю Славы Рок-н-рола. У 2004 яны былі прызнаныя нумарам 4 у сьпісе 100 найлепшых музыкаў усіх часоў па вэрсіі часопіса «Rolling Stone».

Дыскаграфія[рэдагаваць | рэдагаваць крыніцу]

Фільмаграфія[рэдагаваць | рэдагаваць крыніцу]


Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  The Rolling Stonesсховішча мультымэдыйных матэрыялаў