Вэлком

Зьвесткі зь Вікіпэдыі — вольнай энцыкляпэдыі.
(Перанакіравана з «Velcom»)
Перайсьці да: навігацыі, пошуку
ЗПУП «Вэлком»
Velcom logo.svg
Тып Замежнае прыватнае ўнітарнае прадпрыемства
Дэвіз І заўтра будзе тваім
Заснаваная 16 красавіка 1999 (14 гадоў таму)
Заснавальнікі «Самаві Бразэрз Тэлеком» (Кіпр)
Разьмяшчэньне Менск, вул. Інтэрнацыянальная, д. 36
Ключавыя фігуры Гэльмут Дуз, Міхаіл Батранец
Галіна Сувязь
Прадукцыя Сотавая сувязь
Абарачэньне Green Arrow Up Darker.svg1 358 млрд. рублёў (453,6 млн $; 2010)
Апэрацыйны прыбытак Red Arrow Down.svg615 млрд. руб. (205,4 млн $; 2010)
Чысты прыбытак 82,8 млн € (2006)
Матчына кампанія «Мобілтэлеком Аўстрыя» (Вена)
Афіцыйны сайт www.velcom.by

Замежнае прадпрыемства «Вэлком» (velcom; гандлёвыя маркі velcom™, ПРИВЕТ™) — першы беларускі апэратар мабільнай сувязі стандарту GSM і другі па колькасьці абанэнтаў у Беларусі. Зьяўляецца афіцыйным прадстаўніком апэратара спадарожнікавай сувязі «Globalstar» у Рэспубліцы Беларусь. Падае паслугі сувязі стандарту GSM 900/1800.

Зьмест

Гісторыя [рэдагаваць]

У ліпені 1998 г. адбылося заснаваньне сумеснага беларуска-кіпрскага таварыства з абмежаванай адказнасьцю «Мабільная лічбавая сувязь», што атрымала дазвол на праектаваньне, будаўніцтва і выкарыстаньне агульнакраёвай сеткі сотавай сувязі стандарту GSM-900, а таксама на наданьне паслугаў сувязі стандарту GSM. Кампанія пачала камэрцыйную дзейнасьць 16 красавіка 1999 году і стала першым мабільным апэратарам стандарту GSM у Беларусі (першым мабільным апэратарам Беларусі быў NMT-апэратар Белсел).

У 2002 годзе прадпрыемства атрымала дазвол на стварэньне сеткі сотавай сувязі стандарту GSM-1800. У сьнежні 2003 г. сотавы апэратар зьнізіў абанэнцкую плату на 25%[1]. 19 траўня 2004 г. стаўся першым сотавым апэратарам, што займеў беларускамоўную вэрсію сайта[2][3].

Да студзеня 2005 году 69,9% акцыяў кампаніі належала кіпрскай фірме Samauwi Brothers Telecom (SB Telecom Ltd.), беларускай кампаніі «Белтэхэкспарт» — 30%, РУП «Белтэлекаму» — 0,1%. У студзені 2005 году разьмеркаваньне акцыяў зьмянілася: SB Telecom валодаў 49%, дзяржава — 30,9%, «Белтэлекам» — 0,1%, «Белтэхэкспарт» — 20%.[4][5]

Пры канцы вясны 2004 г. «Белпошта» ўвяла прыём плацяжоў за сотавую сувязь «Вэлком» у абласных цэнтрах, у ліпені - і ва ўсіх раённых цэнтрах, у верасьні ж пачала падлучэньне да сотавай сеткі[6].

24 красавіка 2007 г. з запускам базавай станцыі ў гарадзкім пасёлку Парычы (Сьветлагорскі раён, Гомельскай вобласьць) «Вэлком» забясьпечыў сувязьзю ўсе 214 гарадоў і пасёлкаў гарадскога тыпу Беларусі. Ахоп дзеяньня сеткі перавысіў 78% плошчы краіны, дзе пражывала звыш 93% насельніцтва[7]. 10 ліпеня «Вэлком» наладзіў абмен мультымэдыйнымі паведамленьнямі з сотавай сеткай «МТС»[8].

З 22 жніўня 2007 г. апэратар стаўся замежным прыватным унітарным прадпрыемствам праз набыцьцё дзярждолі кіпрскім «Самаві Бразэрз Тэлеком». 19 лютага 2008 г. старшыня Дзяржкамітэта па маёмасьці Георгі Кузьняцоў заявіў, што дзяржаўную долю ў «Вэлком» прадалі за 556 млн даляраў[9]. 3 кастрычніка аўстрыйская кампанія Telekom Austria Group падпісала дамову аб куплі 70 адсоткаў актываў замежнага прыватнага прадпрыемствы «Мабільная лічбавая сувязь» (МЛС, гандлёвыя маркі velcom™, ПРИВЕТ™) за 702 млн эўра (1 млрд даляраў). Пасярэднікам дамовы выступіў аўстрыйскі бізнэсмэн Марцін Шлаф, які валодае 15% актывамі SB-Telecom. Ён таксама спрыяў куплі мабільных апэратараў аўстрыйскімі кампаніямі ў Баўгарыі й Сэрбіі[10]. 15 траўня 2008 г. апэратар зьмяніў назву на «Вэлком»[11].

17 сакавіка 2010 г. «Вэлком» пачаў аказваць паслугі сотавай сувязі трэцяга пакаленьня ў Менску і Гомелі[12]. У кастрычніку «Тэлеком Аўстрыя» набыло астатнія 30% паёў «Вэлком» за 335 млн $. Аўстрыйскі мільярдэр Марцін Шлаф зарабіў на перапродажы прадпрыемства звыш 200 млн эўра[13]. 23 сьнежня «Вэлком» увайшоў у пералік пастаўнікоў сеціўных паслугаў дзяржаўным установам, якія выкарыстоўваюць у сваёй дзейнасьці дзяржаўныя таямніцы[14].

31 студзеня 2012 г. «Тэлеком Аўстрыя» ўцаніў «Вэлком» на 300 млн эўра (30% кошту) праз гіпэрінфляцыю[15][16] (Фінансавы крызіс у Беларусі 2011 году).

Статыстыка [рэдагаваць]

На 1 студзеня 2008 году паслугамі кампаніі карыстаюцца 3 697 000 абанэнтаў. Зона дзеяньня сеткі velcom ахапляе больш за 88% тэрыторыі краіны, на якой пражывае звыш за 96% насельніцтва Беларусі (100% гарадзкіх жыхароў).

Сувязь GSM-апэратара даступная жыхарам усіх раённых цэнтраў, гарадоў і буйных населеных пунктаў з колькасьцю насельніцтва больш 3 тысяч чалавек. Сувязь velcom забясьпечваюць 2854 базавых станцый (24785 прыёмаперадатчыкаў), а таксама 8 камутатараў: 3 у Менску і па адным у кожным абласным цэнтры.

Кліенты кампаніі могуць карыстацца паслугай міжнароднага роўмінгу ў 157 краінах сьвету ў сетках 355 апэратараў. Velcom разьмяшчае ўласнай сеткай фірмовых цэнтраў продажаў і абслугоўваньня, якая складаецца з 57 офісаў у 28 гарадах Беларусі. Дылерская сетка налічае 645 салёнаў у 154 населеных пунктах.

ЗПУП «Вэлком» зьяўляецца найбуйнейшым замежным інвэстарам у эканоміку Беларусі. Агульны аб'ём інвэстыцый у будаўніцтва сеткі velcom на сёньня склаў больш 200 мільёнаў даляраў, і плянавалася, што да канца 2007 году сума ўкладаньняў будзе даведзеная да 400 мільёнаў.[17]

На 25 лістапада 2009 г. на «Вэлком» прыпадала 70 тыс. або 45%[18] карыстальнікаў мабільнага сеціва (0,74% насельніцтва).

Дата Колькасьць (тыс.) і дзель сотавых абанэнтаў Ахоп насельніцтва
1 сьнежня 2000 26[19] (60,5%) 0,26%[20]
1 кастрычніка 2001 85 (80,9%[21]) 0,85%[22]
31 кастрычніка 2003 580 (61,7%[23]) 5,94%[24]
15 студзеня 2004 620 (56,8%[25]) 6,35%
4 сакавіка 2004 670 (53,6%[26]) 6,86%
14 траўня 2004 730 (51,4%[27]) 7,48%
31 жніўня 2004 900 (51,6%[28]) 9,28%
1 кастрычніка 2004 950 (47,6%[29]) 9,79%
29 кастрычніка 2004 1000 (48,1%[30]) 10,31%
1 студзеня 2005 1135 (46,6%[31]) 11,7%
1 лютага 2005 1180 (46,3%[32]) 12,17%
18 сакавіка 2005 1150 (44,3%[33]) 11,86%
1 студзеня 2006 1885 (46,1%[34]) 19,57%
1 жніўня 2006 2360 (45,8%[35]) 24,64%
1 лістапада 2007 2900 (42,2%[36]) 30,39%
1 кастрычніка 2008 3525 (44,7%[37]) 37,05%
1 студзеня 2009 3700 (44,8%[38]) 38,89%
22 кастрычніка 2009 4000 (44,1%[39]) 42,11%
1 ліпеня 2010 4145 (41,1%[40]) 43,68%
30 верасьня 2010 4225 (42%[41]) 44,56%
12 кастрычніка 2011 4407 (41,9%[42]) 46,56%
15 лістапада 2011 4532 (41,3%[43]) 47,88%
1 студзеня 2012 4620 (41,1%[44]) 48,81%

Скаргі [рэдагаваць]

6 сьнежня 2002 году выкрылася адсутнасьць кнігі скаргаў у гарадзенскім прадстаўніцтве «Вэлком»[45]. 15 кастрычніка 2005 г. служба бясьпекі прадпрыемства заблякавала тэлефон прэс-сакратаркі «Хартыі’97» Натальлі Радзінай праз рассылку некалькіх дзясяткаў кароткіх паведамленьняў з заклікам узяць удзел у дні салідарнасьці зь сем'ямі зьніклых 16 кастрычніка[46][47].

25 чэрвеня 2009 г. Белтэлерадыёкампанія скасавала дамову на паслугі «Вэлком» праз няпоўнае іх ажыцьцяўленьне[48]. 8 ліпеня бакі аднавілі дамову[49].

23 лістапада 2010 г. «Вэлком» прызнаў уцечку кароткіх паведамленьняў на платны нумар з сотавых некалькіх абанэнтаў[50]. 19 сьнежня перарывалася сувязь з тэлефонамі назіральнікаў за прэзыдэнцкімі выбарамі[51][52].

Крыніцы [рэдагаваць]

  1. ^ БелТА Velcom на 25 працэнтаў зьнізіў абанэнцкую плату // Зьвязда : Газэта. — 16 сьнежня 2003. — № 315 (24999). — ISSN 1990-763x.
  2. ^ Velcom па-беларуску. Беларускае пакаленьне Y (19 траўня 2004). Праверана 3 лістапада 2012 г.
  3. ^ Севярын Квяткоўскі (20 кастрычніка 2004) Расейская кампанія МТС афіцыйна заявіла пра беларусізацыю сваіх паслугаў у Беларусі Эканоміка. Радыё «Свабода». Праверана 13 лістапада 2012 г.
  4. ^ Часопіс «Стандарт», люты 2005
  5. ^ Дзядко Т. Першы прыватны апэратар // Ведомости, №157 (1931), 23 жніўня 2007
  6. ^ Аляксей Раманчук, БелТА У паштовых аддзяленьнях Беларусі можна будзе падключыцца да сетак сотавай сувязі // Зьвязда : Газэта. — 8 верасьня 2004. — № 213 (25226). — ISSN 1990-763x.
  7. ^ Інтэрфакс (24 красавіка 2007) Velcom «накрыў» сувязьзю ўсе беларускія гарады і мястэчкі. Эўрарадыё. Праверана 13 лістапада 2012 г.
  8. ^ Velcom і МТС наладзілі абмен MMS-паведамленьнямі. Эўрарадыё (10 ліпеня 2007). Праверана 13 лістапада 2012 г.
  9. ^ БелаПАН (19 лютага 2008) Дзяржпакет акцыяў Velcom прадалі за 556 мільёнаў даляраў. Эўрарадыё. Праверана 13 лістапада 2012 г.
  10. ^ Naviny.by, Velcom пераходзіць да аўстрыйцаў, 3 кастрычніка 2007(рас.)
  11. ^ «Вэлком» з 15 лютага на 18 працэнтаў павышае тарыфы па ўсіх тарыфных плянах Грамадзтва. Беларускае тэлеграфнае агенцтва (14 студзеня 2009). Праверана 13 лістапада 2012 г.
  12. ^ Аляксей Арэшка (9 чэрвеня 2010) Апэратар сотавай сувязі velcom пачаў камэрцыйную эксплюатацыю сеткі 3G/3G+ у Пінску Эканоміка. БелаПАН. Праверана 13 лістапада 2012 г.
  13. ^ У Аўстрыі дагэтуль згадваюць тырольскія канікулы Лукашэнкі Эканоміка. Радыё «Свабода» (2 лістапада 2010). Праверана 13 лістапада 2012 г.
  14. ^ Аляксей Арэшка (23 сьнежня 2010) ААЦ зацьвердзіў пералік пастаўнікоў інтэрнэт-паслугаў арганізацыям, якія выкарыстоўваюць у працы дзяржаўныя сакрэты Грамадзтва. БелаПАН. Праверана 13 лістапада 2012 г.
  15. ^ Гіпэрінфляцыя адабрала ў velcom 300 мільёнаў эўра Эканоміка. Радыё «Свабода» (31 студзеня 2012). Праверана 13 лістапада 2012 г.
  16. ^ Ігар Карней (3 лютага 2012) Прыватызацыя: прадаць хочацца, але няма чаго Эканоміка. Радыё «Свабода». Праверана 13 лістапада 2012 г.
  17. ^ Interfax.by, Усё аб кампаніі Мабільная лічбавая сувязь (velcom), 16 верасьня 2007(рас.)
  18. ^ Ігар Карней (25 лістапада 2009) Крызіс: інтэрнэт-прастора багацее. Радыё «Свабода». Праверана 13 лістапада 2012 г.
  19. ^ Тэрэза Хаюціна, БелТА «Privet» па мабільнаму // Зьвязда : Газэта. — 21 сьнежня 2000. — № 259 (24110). — ISSN 1990-763x.
  20. ^ Сяргей Сьнегін, БелаПАН Насельніцтва Беларусі зьменшылася на 29,3 тысячы чалавек // Зьвязда : Газэта. — 2 сакавіка 2001. — № 46 (24162). — ISSN 1990-763x.
  21. ^ Welcome МТС! // Наша Ніва : Газэта. — 1 кастрычніка 2001. — № 40 (249). — С. 6. — ISSN 1819-1614.
  22. ^ Галіна Абакунчык, Радыё «Свабода» (22 студзеня 2002) З-за эканамічнага крызысу ў Беларусі імкліва меншае насельніцтва Грамадзтва. Tut.by. Праверана 13 лістапада 2012 г.
  23. ^ Вікторыя Захарава Дзясятая частка беларусаў — «мабільныя» // Зьвязда : Газэта. — 31 кастрычніка 2003. — № 273-274. — ISSN 1990-763x.
  24. ^ Памер і натуральны прырост насельніцтва Рэспубліка Беларусь у лічбах, 1995-2011. Нацыянальны статыстычны камітэт Рэспублікі Беларусь. Праверана 13 лістапада 2012 г.
  25. ^ Вікторыя Захарава «Мабільных» беларусаў стала больш // Зьвязда : Газэта. — 15 студзеня 2004. — № 10 (25023). — ISSN 1990-763x.
  26. ^ Аляксей Раманчук, БелТА 1.250 тысяч — з мабільнікамі // Зьвязда : Газэта. — 4 сакавіка 2004. — № 57 (25070). — ISSN 1990-763x.
  27. ^ Сяргей Кузьняцоў Да канца года ў Беларусі будзе 2 млн. абанэнтаў мабільнай сувязі // Зьвязда : Газэта. — 14 траўня 2004. — № 118-119. — ISSN 1990-763x.
  28. ^ Юлія Хадневіч Колькасьць абанэнтаў сетак сотавай сувязі павялічылася ў жніўні на 123 тысячы чалавек // Зьвязда : Газэта. — 8 верасьня 2004. — № 213 (25226). — ISSN 1990-763x.
  29. ^ Аляксей Раманчук, БелТА Сотавікаў — 2 мільёны // Зьвязда : Газэта. — 8 кастрычніка 2004. — № 240-241. — ISSN 1990-763x.
  30. ^ Вікторыя Целяшук Першаму апэратару — другі «мабільны» мільён // Зьвязда : Газэта. — 29 кастрычніка 2004. — № 260-261. — ISSN 1990-763x.
  31. ^ Вікторыя Захарава Кожны чацьвёрты — мабільны // Зьвязда : Газэта. — 6 студзеня 2005. — № 3 (25335). — ISSN 1990-763x.
  32. ^ Вікторыя Захарава А ты запісаўся ў «мабіланосцы» // Зьвязда : Газэта. — 3 лютага 2005. — № 18 (25350). — ISSN 1990-763x.
  33. ^ Інга Міндалёва У 2005 годзе — 34 тысячы новых «сельскіх» нумароў // Зьвязда : Газэта. — 18 сакавіка 2005. — № 47 (25379). — ISSN 1990-763x.
  34. ^ Іна Арэхава «Мабільная» Беларусь // Зьвязда : Газэта. — 10 студзеня 2006. — № 4 (25593). — ISSN 1990-763x.
  35. ^ Аляксей Раманчук, БелТА Нас, «мабільных», — 5 мільёнаў // Зьвязда : Газэта. — 4 жніўня 2006. — № 171 (25760). — ISSN 1990-763x.
  36. ^ Ігар Карней (7 лістапада 2007) Якія рэсурсы засталіся ў разьвіцьці мабільнай сувязі ў Беларусі Эканоміка. Радыё «Свабода». Праверана 13 лістапада 2012 г.
  37. ^ Аляксей Арэшка (13 лістапада 2008) Колькасьць абанэнтаў Velcom у трэцім квартале вырасла на 156 тысячаў Эканоміка. БелаПАН. Праверана 13 лістапада 2012 г.
  38. ^ Аляксей Арэшка (16 студзеня 2009) Колькасьць абанэнтаў velcom па выніках 2008 года вырасла на 21% і склала каля 3,7 мільёна Эканоміка. БелаПАН. Праверана 13 лістапада 2012 г.
  39. ^ Аляксей Арэшка (22 кастрычніка 2009) Абанэнцкая база Velcom перавысіла чатыры мільёны Эканоміка. БелаПАН. Праверана 13 лістапада 2012 г.
  40. ^ Аляксей Арэшка (18 жніўня 2010) Выручка кампаніі velcom за першае паўгодзьдзе склала 626,4 млрд. рублёў Эканоміка. БелаПАН. Праверана 13 лістапада 2012 г.
  41. ^ Аляксей Арэшка (10 лістапада 2010) Апэратар мабільнай сувязі velcom павялічыў выручку на 16% Эканоміка. БелаПАН. Праверана 13 лістапада 2012 г.
  42. ^ Андрэй Асфура (12 кастрычніка 2011) Сотавай сувязьзю ў Беларусі карыстаюцца 10,5 млн. абанэнтаў Эканоміка. БелТА. Праверана 13 лістапада 2012 г.
  43. ^ Аляксей Арэшка (15 лістапада 2011) Выручка ЗП «Вэлком» па выніках трэцяга квартала склала 506,1 млрд. рублёў Эканоміка. БелаПАН. Праверана 13 лістапада 2012 г.
  44. ^ Аляксей Арэшка (23 лютага 2012) Выручка апэратара «Вэлком» за 2011 год зьнізілася больш як на 24% Эканоміка. БелаПАН. Праверана 13 лістапада 2012 г.
  45. ^ Газэта «Пагоня» (15 студзеня 2003) Валеры Леванеўскі прымусіў Velcom завесьці кнігу скаргаў. Інтэрнэт-газэта «Беларускія навіны». Праверана 13 лістапада 2012 г.
  46. ^ Любоў Лунёва (15 кастрычніка 2005) Прэсавай сакратарцы «Хартыі-97» Натальлі Радзінай апэратар сотавай сувязь «Velcom» заблякаваў SIM-карту. Радыё «Свабода». Праверана 12 лістапада 2012 г.
  47. ^ Любоў Лунёва (17 кастрычніка 2005) Чаму служба бясьпекі «Velcom» блякуе тэлефоны апазыцыянэраў. Радыё «Свабода». Праверана 13 лістапада 2012 г.
  48. ^ Марына Носава (25 чэрвеня 2009) Белтэлерадыёкампанія заявіла пра скасаваньне дамовы на паслугі апэратара сотавай сувязі «Вэлком» Эканоміка. БелаПАН. Праверана 13 лістапада 2012 г.
  49. ^ Марына Носава (8 ліпеня 2009) Белтэлерадыёкампанія працягне супрацоўнічаць з апэратарам сотавай сувязі «Вэлком» у ранейшым рэжыме Эканоміка. БелаПАН. Праверана 13 лістапада 2012 г.
  50. ^ БелТА (23 лістапада 2010) Velcom прызнаў факт маніпуляцыяў з SMS з боку трэціх асобаў. Наша Ніва. Праверана 13 лістапада 2012 г.
  51. ^ Блякуюцца нумары тэлефонаў кампаніі назіральнікаў. Радыё «Свабода» (19 сьнежня 2010). Праверана 13 лістапада 2012 г.
  52. ^ Бабруйскія актывісты паведамляюць, што ў іх адсутнічае сувязь Вэлком. Эўрарадыё (19 сьнежня 2010). Праверана 13 лістапада 2012 г.

Вонкавыя спасылкі [рэдагаваць]

Апэратары мабільнай сувязі Беларусі
Стандарт GSM
Стандарт CDMA
Атрымана з «http://be-x-old.wikipedia.org/w/index.php?title=Вэлком&oldid=1536381»