Аб’яднаная грамадзянская партыя

Зьвесткі зь Вікіпэдыі — вольнай энцыкляпэдыі
Аб’яднаная Грамадзянская Партыя
па-беларуску: Аб’яднаная грамадзянская партыя
Лідэр партыі Мікалай Казлоў
Дата заснаваньня 1 кастрычніка 1995
Распушчаная 15 жніўня 2023 году
Штаб-кватэра Менск, вул. В. Харужай, 22, офіснае памяшканьне № 1701
Саюзьнікі і блёкі АДС
Ідэалёгія лібэралізм
Колькасьць 4000
Дэвіз «Свабода, уласнасьць, законнасьць»
Афіцыйны сайт www.ucpb.org

Аб’ядна́ная грамадзя́нская па́ртыя (АГП) — адна з найбуйнейшых партыяў Беларусі. Лідэрам партыі зьяўляецца Мікалай Казлоў (з 2018 году, да гэтага АГП кіравалі Васіль Палякоў, Анатоль Лябедзька і Станіслаў Багданкевіч). Вядомыя сябры партыі: Генадзь Карпенка, Віктар Ганчар, Юры Захаранка, Міхаіл Чыгір, Аляксандар Дабравольскі, Андрэй Клімаў, Уладзімер Кудзінаў, Аляксандар Сасноў, Павал Казлоўскі. Кіруючы орган — Нацыянальны камітэт.

15 жніўня 2023 году Вярхоўны суд Беларусі ліквідаваў Аб’яднаную грамадзянскую партыю.[1]

Мэты[рэдагаваць | рэдагаваць крыніцу]

Садзейнічаньне стварэньню грамадзянскай супольнасьці і прававой дзяржавы на падставе свабодных рынкавых адносін, прыярытэту правоў чалавека, агульначалавечых каштоўнасьцяў і плюралізму па ўсіх напрамках разьвіцьця грамадзтва; абарона правоў, свабод і законных інтарэсаў грамадзян Беларусі ў межах дзеючага заканадаўства, садзейнічаньне стварэньню ўмоваў для павышэньня ўзроўню жыцьця грамадзян шляхам рашучага рэфармаваньня эканомікі, інтэграцыі рэспублікі ў сусьветнае эканамічнае супольніцтва.[2]

Пазыцыя партыі — лібэральна-кансэрватыўная, асноўныя каштоўнасьці — свабода, асабістая ўласнасьць, правы чалавека. Партыя не падтрымлівае і асуджае палітыку Аляксандра Лукашэнкі.

Гісторыя[рэдагаваць | рэдагаваць крыніцу]

Створана 1 кастрычніка 1995 году злучэньнем дзьвюх партыяў — Аб’яднанай дэмакратычнай (АДПБ, створана ў 1990 годзе) і Грамадзянскай (створана ў 1994 годзе). 28 лістапада 1995 году партыя прайшла працэдуру рэгістрацыі. 19 жніўня 1996 году зацьверджаны сьцяг партыі: белае палатно, у цэнтры якога ў чырвоным авале намаляваны чырвоны конь. 30 ліпеня 1999 году партыя прайшла працэдуру перарэгістрацыі. У кастрычніку 2005 году лідэр партыі Анатоль Лябедзька прайграў выбары адзінага кандыдата ад апазыцыі ў прэзыдэнты Беларусі.

Старшыні партыі[рэдагаваць | рэдагаваць крыніцу]

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]