Альмэрыя (футбольны клюб)

	Альмэрыя
Поўная назва	Unión Deportiva Almería, S.A.D.
Заснаваны	1989
Горад	Альмэрыя, Гішпанія
Стадыён	Эстадыё дэль Мэдытэранэра; Умяшчальнасьць: 21 350
Кіраўнік	Туркі эль-Шэйх[d]
Чэмпіянат	Ля Ліга
· 2022—2023	17 месца
Хатнія колеры	Выязныя колеры
	Галерэя здымкаў у Вікісховішчы; udalmeriasad.com

«Альмэры́я» (па-гішпанску: Unión Deportiva Almería) ― гішпанскі футбольны клюб з аднайменнага гораду й правінцыі Андалюзія. Клюб быў заснаваны ў 1989 годзе. Яшчэ з 1979 па 1981 год існавала каманда «Альмэрыя», але яна зьнікла ў 1982 годзе, ёсьць меркаваньні што сучасная «Альмэрыя» спадкаемца гэтай каманды. Ад самага пачатку з 1989 году клюб зваўся Almería Club de Fútbol, але ў 2001 годзе назва была зьменена на Unión Deportiva Almería.

Клюб шмат часу правёў у ніжэйшых лігах пакуль у сэзоне 2006―2007 гадоў не атрымаў квіток у вышэйшы дывізіён. У 2011 годзе клюб вылецеў зь Ля Лігі, упершыню ў сваёй гісторыі, аднак, паводле вынікаў сэзону 2012—2013 гадоў клюб зноўку атрымаў права ўдзел у наймацнейшай лізе краіны.

Гісторыя[рэдагаваць | рэдагаваць крыніцу]

Першай камандай з гораду быў клюб «Альмэрыя». Тая каманда гуляла ў Ля Лізе паміж 1979 і 1981 гадамі, але зьнікла ў 1982 годзе. У 1989 годзе быў створаны новы футбольны клюб «Альмэрыя» (гішп. Almería Club de Fútbol), які ў 2001 годзе быў перайменаваны ў аб’яднаны спартовы клюб Альмэрыі (гішп. Unión Deportiva Almería). Пасьля сэзону ў другім дывізіёне клюб быў паніжаны да трэцяга, а потым і чацьвертага дывізіёну.

Правёўшы некалькі сэзонаў у другім узроўні, «Альмэрыя» ўпершыню дамаглася выхаду ў Ля Лігу паводле вынікаў сэзону 2006―2007 гадоў, калі клюб заняў выніковы другі радок у розыгрышы Сэгунды. У першым сэзоне клюб заняў 8-е месца, дзякуючы добрай гульні, пад кіраўніцтвам Унай Эмэры, і гульні нападніка Альвара Нэгрэда, які забіў у тым сэзоне 13 мячоў.

Пасьля таго як Эмэры зьехаў у «Валенсію» наступным трэнэрам быў прызначаны Гансалё Арканада, які, аднак, быў звольнены 21 сьнежня 2008 году, пасьля сэрыі дрэнных вынікаў. Новы мэксыканскі спэцыяліст Уга Санчэс узяўся за працу на пасадзе галоўнага трэнэра й здолеў праціснуць клюб ў сярэдзіну турнірнай табліцы.

У сэзоне 2010―2011 гадоў «Альмэрыя» дайшла да паўфіналу Кубка Гішпаніі, упершыню ў сваёй гісторыі^[1]. У лізе, аднак, клюб ня здолеў утрымацца, вылецеўшы з найвышэйшага дывізіёну пасьля чатырох гадоў удзелаў у ім. У тым жа сэзоне «Альмэрыя» атрымала зьнішчальную паразу ад «Барсэлёне» зь лікам 0:8, прычым матч праходзіў у Андалюзіі. Пасьля гэткай буйной паразы з працы быў звольнены галоўны трэнэр андалюзійцаў Хуан Мануэль Лільлё.

Зьмены дывізіёнаў[рэдагаваць | рэдагаваць крыніцу]

1991―1992 ― павышэньне да Тэрсэры
1992―1993 ― павышэньне да Сэгунды Б
1994―1995 ― павышэньне да Сэгунды
1996―1997 ― паніжэньне да Сэгунды Б
1998―1999 ― паніжэньне да Тэрсэры
1999―2000 ― павышэньне да Сэгунды Б
2001―2002 ― павышэньне да Сэгунды
2006―2007 ― павышэньне да Ля Лігі
2010―2011 ― паніжэньне да Сэгунды
2012―2013 ― павышэньне да Ля Лігі
2014―2015 ― паніжэньне да Сэгунды

Склад[рэдагаваць | рэдагаваць крыніцу]

Актуальны на 11 лютага 2024 году

№	Пазыцыя	Імя	Год нараджэньня
1	Бр	Дыега Марыньнё	1990
3	Аб	Эдгар Гансалес	1997
4	ПА	Ідрысу Баба (ар. Мальёрка)	1996
5	ПА	Люкас Рабэртонэ	1997
6	ПА	Дыён Ляпі	2002
7	Нап	Ляржы Рамазані	2001
8	ПА	Хонатан Віера	1989
9	Нап	Люіс Суарэс	1997
10	Нап	Адрыян Эмбарба	1992
11	ПА	Гансалё Мэлера	1994
12	Нап	Лео Баптыстан	1992
13	Бр	Фэрнанда Мартынэс	1990
15	Нап	Энтані Лясана (ар. Хэтафэ)	1993

№	Пазыцыя	Імя	Год нараджэньня
16	Аб	Аляксандар Радаванавіч	1993
17	Аб	Аляхандра Поса	1999
18	Аб	Марк Пубіль	2003
19	ПА	Сэрхіё Арыбас	2001
20	Аб	Алекс Сэнтэлес	1999
21	Аб	Чумі	1999
22	Аб	Сэсар Монтэс	1997
23	Нап	Ібраіма Канэ	1999
24	Аб	Бруну Ланга (ар. Шавіш)	1997
25	Бр	Луіш Машыміяну (ар. Ляцыё)	1999
29	Нап	Марка Мілаванавіч	2003
38	Нап	Люка Рамэра (ар. Мілян)	2004