Джордж Гэрбэрт
| Джордж Гэрбэрт | |
| George Herbert | |
 Джордж Гэрбэрт, рыціна Робэрта Ўайта 1674 | |
| Асабістыя зьвесткі | |
|---|---|
| Нарадзіўся | 3 красавіка 1593 Мантгомэры, Ўэльс |
| Памёр | 1 сакавіка 1633 Бэмэртан, Ўілтшыр |
| Бацькі | Рычард Гэрбэрт, лорд Чэрбэры[d][1][2] Магдален Гэрбэрт[d][1][2] |
| Сужэнец | Джэйн Дэнвэрз[d][2] |
| Літаратурная дзейнасьць | |
| Род дзейнасьці | паэт, аратар, сьвятар |
| Кірунак | мэтафізычная паэзія |
| Жанр | барока |
| Мовы | ангельская, грэцкая, лацінская |
 [[::s:en:Author:George Herbert (1593–1633)|Творы]] ў Вікікрыніцах
| |
- Вікіпэдыя мае артыкулы пра іншых асобаў з прозьвішчам Гэрбэрт.
Джордж Гэрбэрт (па-ангельску: George Herbert, 3 красавіка 1593, Мантгомэры, Ўэльс — 1 сакавіка 1633, Бэмэртан, Ўілтшыр) — выбітны ангельскі паэт-мэтафізык, аўтар духоўнае лірыкі, англіканскі сьвятар.
Жыцьцяпіс[рэдагаваць | рэдагаваць крыніцу]
Нарадзіўся ў багатай арыстакратычнай сям’і. Маці Магдалена была сяброўкай і апякункай Джона Дона, старэйшы брат Эдвард — буйным паэтам і філёзафам-дэістам. Бацька памёр, калі Джорджу было тры гады, пакінуўшы ўдаву зь дзесяцьцю дзецьмі[3].
Джордж навучаўся ў Вэстмінстарскай школе, пасьля ў кембрыдзкім Коледжы Тройцы (1609—1613). З 1618 выкладаў рыторыку ў Кембрыдзкім унівэрсытэце, у 1620—1628 быў грамадзкім аратарам унівэрсытэту. З 1624 — дэпутат парлямэнту. Ягонай кар’ерай апекаваўся Якаў I, пакуль не памёр. У 1627 памерла маці Гэрбэрта.
У 1630 Гэрбэрт стаў вясковым сьвятаром у парафіі Бэмэртану, за 75 міляў ад Лёндану, дзе правёў рэшту жыцьця. У 1633 скончыў кнігу вершаў «Храм». Ужо цяжка хворы, склаў таксама практычнае кіраўніцтва для сьвятароў. Памёр ад сухотаў, адпісаўшы рукапіс кнігі Храм Нікаласу Фэрэру, заснавальніку англіканскай рэлігійнай грамады ў Літл Гідынгу (Хантынгданшыр). Пасьля ягонай сьмерці кніга вытрымала 8 выданьняў.
Гэрбэрт пісаў таксама вершы на грэцкай і лацінскай мовах.
Памяць[рэдагаваць | рэдагаваць крыніцу]
Залічаны да ліку сьвятых англіканскае царквы, дзень памяці адзначаецца 27 лютага. Эвангельская лютаранская царква ў Амэрыцы адзначае ягоны дзень згодна з Календаром сьвятых 1 сакавіка.
Беларускія пераклады[рэдагаваць | рэдагаваць крыніцу]
Верш «Адкупленьне» на беларускую мову пераклаў Лявон Баршчэўскі[4].
Крыніцы і заўвагі[рэдагаваць | рэдагаваць крыніцу]
- ^ а б Lundy D. R. George Herbert // The Peerage (анг.)
- ^ а б в Kindred Britain
- ^ Amy M. Charles. A Life of George Herbert. — Cornell University Press, 1977. — С. 28.
- ^ І боль, і прыгажосць…: выбраныя творы паэтаў Еўропы і Амерыкі ў перакладах Лявона Баршчэўскага. — Мінск : Зміцер Колас, 2016. — 452, [1] с. — (Бібліятэка Саюза беларускіх пісьменнікаў «Кнігарня пісьменніка»; вып. 73).
Літаратура[рэдагаваць | рэдагаваць крыніцу]
- Английская лирика первой половины XVII века / Под ред. А. Н. Горбунова. М.: Издательство Московского ун-та, 1989.
Вонкавыя спасылкі[рэдагаваць | рэдагаваць крыніцу]
 |
Ангельскі Вікіцытатнік зьмяшчае збор цытатаў, датычных тэмы гэтага артыкула: |
 |
Ангельская Вікікрыніца зьмяшчае арыгінальныя матэрыялы, датычныя тэмы гэтага артыкула: |
Нарматыўны кантроль | |
|---|---|
| Міжнародныя | |
| Нацыянальныя | |
| Навуковыя | |
| Артысты | |
| Асобы | |
| Іншыя | |
