Джордж Тэрнэр

Зьвесткі зь Вікіпэдыі — вольнай энцыкляпэдыі
Джордж Тэрнэр
Эрнст Таўнсэнд (аўтапартрэт)
Дата нараджэньня 2 красавіка 1841
Месца нараджэньня Кромфард
Дата сьмерці 29 траўня 1910
Месца сьмерці Ідрыджгэй
Занятак мастак

Джордж Тэрнэр (па-ангельску: George Turner, 1841—1910) — брытанскі мастак-пэйзажыст і фэрмэр, празваны «Дэрбішырскім Джонам Констэблам».

Біяграфія[рэдагаваць | рэдагаваць крыніцу]

Тэрнэр нарадзіўся ў Кромфардзе, але пазьней пераехаў з сям'ёй у Дэрбі. У яго рана выявіўся талент да музыкі і маляваньня, ухвалены яго бацькам, краўцом па прафэсіі, але мастаком-аматарам. Тэрнэр шмат займаўся, жадаючы стаць прафэсійным мастаком і настаўнікам маляваньня.

Ціхая сцэна ў Дэрбішыры

У 1865 годзе Тэрнэр ажаніўся з Элізай Лакін (Eliza Lakin, 1837—1900), гадаваў дзяцей на фэрмэ Ўолнат у Бараў-эпон-Трэнт (Barrow upon Trent). У іх было чацвёра дзяцей: Мэры (у замужжы Чамбэрлэйн (Chamberlain), пазьней Вур (Woore), 1868—1937), Флорэнс Пальмэр (Florence Palmer Turner, 1869—1955), Ўільям Лакін (William Lakin Turner, 1867—1929, які ў наступстве таксама стаў мастаком[1]) і Пэрсі Рыд (Percy Reed Turner, 1871—1936). Пасьля сьмерці Элізы Тэрнэр пераехаў у Кірк Айртан (Kirk Ireton), дзе ажаніўся зь вядомай акторкай Кейт Стывэнс Сьміт (Kate Stevens Smith, 1871—1964) і зажыў зь ёй у Ідрыджгэі (Idridgehay), дзе і памёр у 1910 годзе.

Тэрнэр працаваў алеем і маляваў букалічныя сцэнкі, пераважна Дербішыра, пакінуўшы значную спадчыну краявідаў Ангельшчыны да таго, як у яе прыйшла мэханізаваньне, аўтамашыны і ўрбанізацыя. Яго працы выстаўляліся ў Нотынггэме і Бірмінггэме. Тэрнэр служыў у Мастацкім камітэце Музэю і мастацкай галерэі Дэрбі, і ў калекцыю гэтай галерэі ўключаныя і яго працы[2], і работы яго сына[1].

Крыніцы[рэдагаваць | рэдагаваць крыніцу]

  1. ^ а б William Lakin Turner
  2. ^ George Turner. Burlington Art. Праверана 22 January 2011 г.

Вонкавыя спасылкі[рэдагаваць | рэдагаваць крыніцу]

Джордж Тэрнэрсховішча мультымэдыйных матэрыялаў