Мэхэлен (футбольны клюб)

Зьвесткі зь Вікіпэдыі — вольнай энцыкляпэдыі
(Перанакіравана з «Мэхелен (футбольны клюб)»)
Мэхэлен
Поўная назва Yellow Red Koninklijke Voetbalclub Mechelen
Заснаваны 1904
Горад Мэхэлен, Бэльгія
Стадыён Ахтэр дэ Казэрнэ
Умяшчальнасьць: 13 213
Галоўны трэнэр
Чэмпіянат Першы дывізіён А
 · 2022—2023 13 месца
Галерэя здымкаў у Вікісховішчы
kvmechelen.be (нід.)

«Мэхэлен» (па-нідэрляндзку: Voetbalclub Mechelen) — бэльгійскі футбольны клюб з гораду Мэхэлену. Заснаваны ў 1904 годзе. Чатырохразовы чэмпіён Бэльгіі, уладальнік Кубка Бэльгіі (1987). Уладальнік Кубка кубкаў (1988).

Гісторыя[рэдагаваць | рэдагаваць крыніцу]

Клюб быў закладзены ў 1904 годзе, празь некалькі месяцаў пасьля стварэньня іхняга прынцыповага суперніка «Расінгу». Першы пасьпяховы пэрыяд клюбу прыпаў у 1940-я гады. За часам Другой сусьветнай вайны, у сэзоне 1942—1943 гадоў, клюб здабыў першы чэмпіёнскі тытул. Другі раз сталі першымі мэхэленцы ў сэзоне 1945—1946 гадоў, яшчэ праз сэзон «Мэхэлен» зноў стаў чэмпіёнам Бэльгіі. Пасьля гэтага паказьнікі зьнізіліся, і ў апошнім даволі пасьпяховым сэзоне ў 1954 годзе клюб скончыць чэмпіянат на трэцім радку, толькі на адзін пункт адстаўшы ад чэмпіёну «Андэрлехту». Праз два гады «Мэхэлен» страціў сваё месца ў элітным дывізіёне і быў пераведзены ў другі дывізіён. У 1960-я і 1970-я гады клюб рухаўся паміж першым і другім дывізіёнам.

Трэнэр Аад дэ Мос з сваімі гульцамі ў 1988 годзе.

Наступны залаты час прыпаў на сканчэньне 1980-х і пачатак 1990-х, калі «Мэхэлен» за пяць гадоў здабыў тытул чэмпіёну краіны і перамог у розыгрышы Кубка Бэльгіі. Акармя таго яны двойчы фінішавалі здабывалі срэбныя мэдалі і двойчы дасягалі фіналу кубка краіны. Асаблівым быў 1988 год, калі бэльгійцы здабылі Кубак уладальнікаў кубкаў. У фінале мэхэленцы перамаглі нідэрляндзкі «Аякс», а ў чвэрцьфінале бэльгійцы выбілі менскае «Дынама», здабыўшы хатнюю перамогу зь лікам 1:0 і згуляўшы ўнічыю 1:1 у Менску. Улетку ў Супэркубку УЭФА «Мэхэлен» быў мацнейшым за нідэрляндзкі клюб ПСВ. У наступным эўрапейскім сэзоне бэльгійцы ў тым жа Кубку уладальнікаў кубкаў дасягнуў паўфіналу, дзе пасьля хатніяй перамогі зь лікам 2:1 з буйным лікам 3:0 атрымаў паразу ад італьянскай «Сампдорыі».

Здавалася, «Мэхэлен» можа стаць у шыхты вядучых клюбаў Бэльгіі, але хутка гэты мары апынуліся марнымі, бо старшыня клюб і ўладальнік быў вымушаны прадаць шмат гульцоў праз дрэнныя вынікі працы ягонай кампаніі. На пачатку 2000-х гадоў клюб страціў прафэсійную ліцэнзію і быў пасунуты ў Трэці дывізіён. Пасьля шэрагу прасоўваньняў 10 чэрвеня 2007 году дружына атрымала прасоўваньне ў Першы дывізіён. Праз два гады ў 2009 годзе «Мэхэлен» нават дайшоў да фіналу Кубка Бэльгіі, але прагулялі «Генку» зь лікам 2:0. У наступны год клюб падабраўся да паўфіналу кубка, дзе пасьля хатняй нічыі 2:2 у матчы супраць «Генту», дружына атрымала паразу зь лікам 1:0.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]