Іван Сапега (сын Багдана)
 Герб «Ліс» | |
| Асабістыя зьвесткі | |
|---|---|
| Нарадзіўся | 1486 |
| Памёр | 1546 |
| Пахаваны | |
| Род | Сапегі |
| Бацькі | Багдан Сапега Фядора Бабіч-Друцкая-Сакалінская[d][1] |
| Жонка | Ганна з Сангушкаў |
| Дзеці | Павал, Іван |
| Дзейнасьць | дыплямат |
Іван Сапега (1486 — паміж 4 красавіка і 19 лістапада 1546) — дзяржаўны і вайсковы дзяяч Вялікага Княства Літоўскага. Пісар (1507—1516) і маршалак гаспадарскі (1515—1541), ваявода віцебскі (1520—1541) і падляскі (з 1529).
Трымаў Дарагічынскае староства (1529—1541 і з 1545).
Біяграфія[рэдагаваць | рэдагаваць крыніцу]
З чарэйска-ружанскай лініі магнацкага роду Сапегаў гербу «Ліс», сын Багдана.
Займаў шэраг высокіх дзяржаўных пасадаў, браў удзел у пасольствах у Маскву (1508, 1531—1532 і 1536) і ў Турэччыну (1534).
Удзельнічаў у кампаніі 1514 року на чале з гетманам вялікім Канстантынам Астроскім. Камандаваў часткай войска ў бітве на Бярэзіне (27 жніўня 1514) і ў Аршанскай бітве (1514)[2].
У шлюбе з Ганнай Сангушка меў сыноў Паўла і Івана.
Крыніцы[рэдагаваць | рэдагаваць крыніцу]
- ^ а б Гісторыя Сапегаў : жыццяпісы, маёнткі, фундацыі (белар.) — Мінск: Віктар Хурсік, 2017. — С. 48. — 586 с. — ISBN 978-985-7025-75-6
- ^ Анатоль Грыцкевіч. Сапегі // ВКЛ. Энцыкл. — Мн.: 2005 Т. 2. С. 547.
Літаратура[рэдагаваць | рэдагаваць крыніцу]
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0
- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 2001. — Т. 6. Кн. 1: Пузыны — Усая. — 591 с. — ISBN 985-11-0214-8