Ільля Шкурын

Зьвесткі зь Вікіпэдыі — вольнай энцыкляпэдыі
Ільля Шкурын
Пэрсанальная інфармацыя
Нарадзіўся 17 жніўня 1999(1999-08-17)[1][2] (24 гады)
Рост 188 см
Вага 80 кг[4]
Пазыцыя нападнік
Клюбная інфармацыя
Клюб Сталь Мелец (у арэндзе з ЦСКА Масква)
Нумар 17
Клюбы
Гады Клюб Гульні (галы)¹
2017—2018 Віцебск 11 (1)
2019 Энэргетык-БДУ 26 (19)
2020—4 ЦСКА Масква 13 (3)
2021 → Дынама Кіеў 8 (0)
2022 → Ракаў Чанстахова 2 (0)
2022—2023 → Макабі Пэтах-Тыква 30 (14)
2023—4 → Сталь Мелец 18 (8)
Зборныя
2017—2019 Беларусь (да 21) 6 (1)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
18 сьнежня 2023.

Ільля́ Шку́рын (нар. 17 жніўня 1999 году) — беларускі футбаліст, нападнік польскага клюбу «Сталь» з гораду Мельцу. Правы на гульца належаць расейскаму ЦСКА.

Кар’ера[рэдагаваць | рэдагаваць крыніцу]

«Віцебск»[рэдагаваць | рэдагаваць крыніцу]

Выхаванец віцебскай ДЮСШ «Камсамолец», у 2016 годзе пачаў выступаць за дубль «Віцебску». У 2017 годзе трывала замацаваўся ў дублі, за першую палову сэзону забіў 11 галоў. У ліпені 2016 году быў запрошаны на прагляд у кіеўскае «Дынама», але неўзабаве вярнуўся ў Віцебск[5], дзе стаў прыцягвацца да асноўнага складу. 23 ліпеня 2017 году дэбютаваў у асноўнай камандзе ў матчы 1/8 фіналу Кубка Беларусі супраць «Слуцку» (0:0, пэн. 2:4), калі выйшаў на замену на 87-й хвіліне, правёў на полі 30 хвілінаў дадатковага часу і стварыў шэраг небясьпечных момантаў. Праз тыдзень, 29 ліпеня, дэбютаваў у Найвышэйшай лізе, выйшаўшы на замену ў другім тайме хатняга матчу супраць «Крумкачоў» (2:2). У гэтым матчы прымусіў брамніка гасьцей Яўгена Касьцюкевіча парушыць правілы і атрымаць чырвоную картку. 5 жніўня, у другім сваім матчы ў Найвышэйшай лізе супраць магілёўскага «Дняпра», выйшаў на замену на 70-й хвіліне і забіў пераможны гол сваёй каманды (выніковы лік 2:1). Зь верасня 2017 году да канца сэзону не зьяўляўся на полі праз траўмы. Здолеў вярнуцца на гульнявую пляцоўку толькі ў чэрвені 2018 году, спачатку гуляў за дубль, дзе ў сэзоне 2018 году пасьпеў здабіць 18 галоў, а неўзабаве стаў выступаць і за асноўную каманду, выходзячы на замену.

«Энэргетык-БДУ»[рэдагаваць | рэдагаваць крыніцу]

У студзені 2019 году датэрмінова скасаваў кантракт зь «Віцебскам»[6] і неўзабаве перайшоў у сталічны «Энэргетык-БДУ»[7]. У першай палове сэзону 2019 году звычайна выходзіў на зьмену, выступаў таксама за дубль, аднак пазьней замацаваўся ў пачатковым складзе, стаўшы асноўным нападнікам каманды. Трывала адзначаўся галамі, 27 верасьня 2019 году ў матчы супраць «Менску» (6:1) аформіў покер, 26 кастрычніка таго ж году стаў аўтарам хет-трыка ў матчы зь менскім «Дынама» (3:3). У выніку з 19 галамі стаў найлепшым бамбардзірам Найвышэйшай лігі ў сэзоне, таксама быў прызнаны найлепшым нападнікам чэмпіянату.

Па-за межамі Беларусі[рэдагаваць | рэдагаваць крыніцу]

8 студзеня 2020 году стала вядома аб пераходзе Шкурына ў берасьцейскае «Дынама»[8], аднак ужо на наступны дзень было абвешчана аб складаньні ўгоды з маскавіцкім ЦСКА на 4,5 гады[9]. У складзе ЦСКА ня меў трывалага месца ў асноўным складзе, звычайна заставаўся на лаве запасных або выходзіў на замену. 15 жніўня 2020 году забіў першы гол за ЦСКА ў матчы супраць «Тамбова» (2:1).

У ліпені 2021 году на правах арэнды далучыўся да кіеўскага «Дынама»[10]. У лютым 2022 году польскі «Ракаў» з Чанстаховы арандаваў нападніка з правам выкупу[11]. Аднак, Шкурын зьявіўся на полі толькі ў двух матчах, пасьля чаго страціў месца ў складзе. У верасьні 2022 году паводле пагадненьня бакоў арэнда была спыненая[12], пасля чаго нападнік прыпыніў кантракт з ЦСКА і стаў гульцом ізраільскага клюбу «Макабі» (Пэтах-Тыква) з другога дывізіёну чэмпіянату Ізраілю[13]. За сэзон 2022—2023 гадоў адзначыўся 14 галамі за «Макабі» і дапамог клюбу выйсьці ў элітны дывізіён.

У ліпені 2023 году далучыўся да польскай «Сталі» зь Мельцу[14]. Дэбютаваў за каманду 22 ліпеня 2023 году ў матчы першага тура чэмпіянату Польшчы супраць «Краковіі» (2:2), дзе адзначыўся голам і галявой перадачай. 29 кастрычніка 2023 году згуляў выдатны матчы супраць сталічнай «Легіі» (1:3), дзе адкрыў ліку матчу і двойчы асыставаў сваім партнэрам, дзякуючы чаму мелецкі клюб здабыў сэнсацыйную перамогу. 25 лістапада 2023 году ў матчы супраць «Погані» (3:2) аформіў хет-трык, пасьля чаго паводле вынікаў лістападу быў прызнаны гульцом месяцу ў польскай Экстраклясе. У студзені 2024 году падпісаў новы кантракт з «Стальлю» да чэрвеня 2025 году з магчымасьцю падаўжэння яшчэ на адзін сэзон, які пачне дзейнічаць з ліпеня 2024 году пасьля заканчэньня пагадненьня з ЦСКА[15].

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
Віцебск 2017 Найвышэйшая ліга 4 1
2018 Найвышэйшая ліга 7 0
Энэргетык-БДУ 2019 Найвышэйшая ліга 26 19

Крыніцы[рэдагаваць | рэдагаваць крыніцу]

  1. ^ а б в Ilia Shkurin // Transfermarkt (мн.) — 2000.
  2. ^ а б в Ilya Shkurin // FBref.com (мн.)
  3. ^ а б 90minut.pl (пол.) — 2003.
  4. ^ а б https://teams.by/shkurin-ilya-sergeevich/player-186495/
  5. ^ Валерий Исаев: «Вместе с киевским «Динамо» решили, что пока Шкурину лучше играть в основном составе «Витебска», а из Украины будут следить». Трыбуна. (рас.)
  6. ^ Шкурин покинул "Витебск". Football.by (рас.)
  7. ^ Покинувший "Витебск" нападающий перешел в "Энергетик-БГУ". Football.by (рас.)
  8. ^ Официально: Шкурин сменил "Энергетик-БГУ" на брестское "Динамо". Football.by (рас.)
  9. ^ ЦСКА объявил о трансфере Шкурина. Football.by (рас.)
  10. ^ Илья Шкурин стал игроком киевского "Динамо". Football.by (рас.)
  11. ^ "Ракув" Ченстохова аредовал Илью Шкурина с правом выкупа. Football.by (рас.)
  12. ^ "Ракув" до истечения срока аренды отказался от Ильи Шкурина. Football.by (рас.)
  13. ^ Илья Шкурин продолжит карьеру в израильском Д2. Football.by (рас.)
  14. ^ Илья Шкурин будет играть в элитном дивизионе Польши (рас.) Праверана 2023-07-06 г.
  15. ^ Илья Шкурин продлил контракт со "Сталью" (рас.)

Вонкавыя спасылкі[рэдагаваць | рэдагаваць крыніцу]

Найлепшыя бамбардзіры чэмпіянату Беларусі па футболе
Атрымана з «https://be-tarask.wikipedia.org/w/index.php?title=Ільля_Шкурын&oldid=2490540»