Ірына Казуліна

Ірына Казуліна
	Ірына Казуліна
Род дзейнасьці	грамадзкі дзеяч
Дата нараджэньня	19 кастрычніка 1959
Месца нараджэньня	Менск, БССР
Дата сьмерці	23 лютага 2008 (48 гадоў)
Месца сьмерці	Менск, Беларусь
Прычына сьмерці	рак лёгкіх
Месца вучобы	мэханіка-матэматычны факультэт БДУ[d];
Занятак	навукоўца

Ірына Казуліна (19 кастрычніка 1959 — 23 лютага 2008) — грамадзкі дзеяч, жонка былога кандыдата ў прэзыдэнты Аляксандра Казуліна.

Скончыла мэханічна-матэматычны факультэт Беларускага дзяржаўнага ўнівэрсытэту, дзе і пазнаёмілася са сваім будучым мужам Аляксандрам Казуліным. Працавала праграмістам у НПА «Планар», затым — у Цэнтры праблем чалавека БДУ. Скончыла Міжнародную школу бізнэсу і мэнэджмэнту тэхналёгіяў БДУ (цяпер Інстытут бізнэсу і мэнэджмэнту тэхналёгіяў БДУ). Пасьля працавала маркетолягам ў тым самым Цэнтры.

Актыўна дапамагала хворым на рак малочнай залозы. У 2007 годзе выступіла адной з арганізатараў праведзенай у Менску міжнароднай канфэрэнцыі па праблемах падтрымкі жанчын, хворых на рак малочнай залозы.

Памерла ў 19:40 23 лютага 2008 году на 49-м годзе жыцьця^[1].