Аліна Талай

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Аліна Талай
Чэмпіянат Эўропы — 2011 у Парыжы
Пэрсанальная інфармацыя
Поўнае імя Аліна Генадзеўна Талай
Нарадзілася 14 траўня 1989 (26 гадоў)
Ворша, БССР
Грамадзянства Беларусь
Рост 164 см
Вага 54 кг
Прафэсійная інфармацыя
Спэцыялізацыя лёгкая атлетыка (бег з бар’ерамі)

Алі́на Гена́дзеўна Тала́й (нарадзілася 14 траўня 1989, Ворша, Віцебская вобласьць, БССР) — беларуская лёгкаатлетка, спрынтарка (бег з бар’ерамі). Чэмпіёнка Эўропы 2011 сярод моладзі, бронзавая прызэрка чэмпіянату сьвету — 2011, срэбраная прызэрка чэмпіянату Эўропы — 2012, бронзавая прызэрка чэмпіянату сьвету 2015.

Спартовая кар’ера[рэдагаваць | рэдагаваць крыніцу]

Першы вялікі посьпех Аліна Талай зазнала ў 2008 року на юніёрскім чэмпіянаце сьвету ў польскай Быдгашчы, калі ў фінале бегу на 100 мэтраў з бар’ерамі фінішавала на 4-м месцы, паказаўшы найлепшы вынік з эўрапейскіх удзельніц і адстаўшы ад 3-га месца кубінкі Бэлькіс Мілянэс на адну сэкунду[1].

У 2009 року ў летувіскай Коўне заваявала бронзавы мэдаль эўрапейскага чэмпіянату да 23 гадоў. У тым самым року дэбютавала ў дарослых спаборніцтвах, дайшоўшы да паўфіналу ў бегу на 60 мэтраў з бар’ерамі на Чэмпіянаце Эўропы ў памяшканьні.

У 2010 упершыню перасягнула 13-сэкундны паказьнік і да канца году мела найлепшы вынік 12,87 сэкунды. На чэмпіянаце сьвету ў памяшканьні-2010 у катарскай Досе і на чэмпіянат сьвету — 2010 у гішпанскай Барсэлёне з папярэдніх забегаў дайшла да паўфіналу, аднак у фінал ня трапіла.

У 2011 на чэмпіянаце Эўропы ў памяшканьні ў францускім Парыжы ў фінале бегу на 60 мэтраў з бар’ерамі заняла 5 месца з часам 7,95 с. У тым самым року ў чэскай Остраве стала чэмпіёнкай Эўропы да 23 гадоў. У фінале адзіная пераадолела 13-сэкундны бар’ер, паказаўшы вынік 12,91 с.[2]. Ад рэкорднага выніку швэдкі Сузаны Калюр 2003 року яе аддзялілі тры сотыя сэкунды[3]. У Чэмпіянаце сьвету ўдзелу ня брала, аднак стала пераможцай Сусьветных вайсковых гульняў з вынікам 12,95 с, усталяваўшы новы рэкорд спаборніцтваў.

У 2012 у бегу на 60 мэтраў з бар’ерамі ў турэцкім Стамбуле заваявала свой першы мэдаль сусьветнага чэмпіянату, паказаўшы вынік 7,97 с, на тры сотыя сэкунды саступіўшы срэбнай прызэрцы брытанцы Тыфані Портэр[4]. На эўрапейскім чэмпіянаце ў Хэльсынках саступіла толькі турчанцы Нэвін Яніт і заваявала срэбра.

Удзельніца Алімпійскіх гульняў 2012 году ў катэгорыі 100 м з бар’ерамі[5]. Па выніках 2012 году прызнаная найлепшай лёгкаатлеткай Беларусі[6].

У 2013 стала срэбнай мэдалісткай чэмпіянату Эўропы ў памяшканьні.

Трэніруе Аліну Талай чэмпіён Эўропы ў памяшканьнях 1976 року ў бегу на 60 мэтраў з бар’ерамі і срэбны прызэр 1977 Віктар Мясьнікоў[7].

5 верасьня 2014 году заняла трэцяе месца на этапе Брыльянтавай лігі з вынікам 12,89 сэкунды[8]. На чэмпіянаце сьвту ў Пэкіне 28 жніўня 2015 заваявала бронзавы мэдаль з нацыянальным рэкордам - 12,66 сэк.

Крыніцы[рэдагаваць | рэдагаваць крыніцу]

  1. ^ Lionel Peters & Tomas Magnusson. 100mh (84.0cm [2'9) Women](анг.) World Junior Championships 2008. World Junior Athletics History. Праверана 29 ліпеня 2013 г.
  2. ^ EJ Ostrava CZE 14 - 17 July 2011 / 8th European Athletics U23 Championships(анг.) Tilastopaja Праверана 29 ліпеня 2013 г.
  3. ^ European U23 Championships Best Performances Women(анг.) European Athletics Праверана 29 ліпеня 2013 г.
  4. ^ Todor Krastev. (25 сакавіка 2012) Women 60m Hurdles Athletics 14th World Indoor Championship 2012 Istanbul (TUR) — Saturday 11.03(анг.) Sport Statistics — International Competitions Archive Праверана 29 ліпеня 2013 г.
  5. ^ Белорусские олимпийцы в Лондоне(рас.). ПрессболПраверана 29 ліпеня 2013 г.
  6. ^ Бегунья Алина Талай признана лучшей легкоатлеткой Беларуси 2012 года(рас.)
  7. ^ Slew of close contests the highlights in Zhukovskiy(анг.) General News. International Association of Athletics Federations (18 чэрвеня 2012). Праверана 29 ліпеня 2013 г.
  8. ^ Талай стала бронзовым призером в беге на 100 м с барьерами на финальном этапе Бриллиантовой лиги(рас.)

Вонкавыя спасылкі[рэдагаваць | рэдагаваць крыніцу]

Commons-logo.svg  Аліна Талайсховішча мультымэдыйных матэрыялаў