Апошні паядальнік грахоў (фільм)

	Апошні паядальнік грахоў;
	The Last Sin Eater
Жанр	экранізацыя літаратурнага твору[d]
Рэжысэр	Майкл Лэндан (малодшы)
Сцэнарыст	Браен Бэрд; Майкл Лэндан (малодшы);
Заснаваны на	The Last Sin Eater[d]
Прадусар	Браен Бэрд; Майкл Лэндан (малодшы);
У ролях	Ліяна Лібэрата; Луіза Флэтчэр; Генры Томас;
Кампазытар	Марк МакКензі
Апэратар	Робэрт Сімэн
Мантаж	Майкл Лэндан (малодшы)
Вытворчасьць	Believe Pictures
Распаўсюд	Fox Faith[d]
Дата выхаду	9 лютага 2007
Працягласьць	117 хвілінаў
Краіна	ЗША
Мова	ангельская
Бюджэт	$2,2 мільёны
Прыбытак	$388 390
	Старонка на IMDb

«Апо́шні паяда́льнік грахо́ў» (па-ангельску: The Last Sin Eater) — амэрыканскі фільм рэжысэра Майкла Лэндана, прэзэнтаваны 9 лютага 2007. Зьняты паводле аднайменнага раману 1998 року Фрэнсын Рывэрз.

Сюжэт[рэдагаваць | рэдагаваць крыніцу]

Дзеяньне разьвіваецца ў 1850-я рокі ў Апалачыі ў паселішчы амэрыканскіх валійцаў. Дзесяцігадовая Кадзі смуткуе па сваёй любімай бабулі — адзіным чалавеку, які любіў яе безумоўна, бо Кадзі адчувае, што бацькі вінавацяць яе ў гібелі малодшай сястры. На цырымоніі пахаваньня бабулі Кадзі глядзіць у вочы вясковага паядальніка грахоў — чалавека, які паводле валійскай традыцыі адпускае грахі памерлага.

У гэты час непадалёк ад іхняга паселішча зьяўляецца прапаведнік. Паразмаўляўшы зь незнаёмцам, дзяўчынка пачынае ўсьведамляць, што паядальнік грахоў — падман, і даведваецца пра Ісуса і хрысьціянства. Пасьля хросту яна мірыцца са сваёй сям’ёй.

Аднак навяртаньне Кадзі прыводзіць да трагедыі і раздраю ў іхняй зьнітаванай грамадзе, якая даведваецца пра жахлівую таямніцу заснаваньня ўласнай вёскі.