Ар’еплюг

Ар’еплюг
швэдз. Arjeplog
Выгляд на Ар’еплюг з гары Эбэргет узімку
Герб Ар’еплюгу
Краіна:	Швэцыя
Плошча:	2,23 км²
Насельніцтва (2018)
колькасьць:	1782 чал.
шчыльнасьць:	799,1 чал./км²
Часавы пас:	UTC+1
летні час:	UTC+2
Тэлефонны код:	0961
Геаграфічныя каардынаты:	66°2′51.083″ пн. ш. 17°52′44.893″ у. д.
Ар’еплюг на мапе Швэцыі Ар’еплюг
Галерэя здымкаў у Вікісховішчы

Ар’еплюг (па-швэдзку: Arjeplog) — мястэчка на поўначы Швэцыі, у Ляпляндыі, цэнтар аднайменнай камуны лэну Нарботэн. Разьмешчанае паміж азёрамі Гурнаван і Ўд’яўрэ. Да мястэчка таксама прылягае возера Сэла. Насельніцтва 1782 чалавекі (на 31 сьнежня 2018).

Г.зв. Срэбны шлях (Дзяржаўная шаша №95), які злучае Шэлефтэа (Швэцыя) і Будэ (Нарвэгія), праходзіць праз Ар’еплюг. Гэтую назву ён атрымаў дзякуючы Насаф’ельскай срэбнай шахце, разьмешчанай непадалёк.

Гісторыя

Упершыню згадваецца ў 1636 годзе як саамская вёска. Ужо ў 1640 годзе становіцца царкоўным і гандлёвым мястэчкам. У 1635—1659 і 1770—1810 пад Ар’еплюгам вялася здабыча срэбра. У 1965 годзе быў адкрыты Музэй срэбра.

Славутасьці

Ар’еплюская царква

• Ар’еплюская царква
• Музэй срэбра

Дадатковыя зьвесткі

• Адно з Ар’еплюскіх азёраў — Гурнаван — зьяўляецца найглыбокім у Швэцыі.
• З гары Гальтыспуода, што непасрэдна пад Ар’еплюгам, можна назіраць палярны дзень зь 10 чэрвеня да 3 ліпеня, нягледзячы на тое, што мястэчка знаходзіцца прыкладна за 100 км на поўдзень ад Паўночнага палярнага кругу.

Асобы

• Марыя Сёдэрбэрг — швэдзкая фотажурналістка, дзейнасьць якой зьвязаная зь Беларусяй.