Асынхронныя машыны

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Трохфазныя асынхронныя электрарухавікі

Асынхронныя машыны (асынхронны рухавік, асынхронны генэратар) — адзін з тыпаў электрычных машынаў, і самы распаўсюджаны від электрарухавікоў. Як і іншыя віды машынаў, асынхронныя машыны зьяўляюцца зварачальнымі (то бок адна і тая ж машына можа быць як і генэратарам так і рухавіком).

Прынцып дзеяньня[рэдагаваць | рэдагаваць крыніцу]

Электра-магнітнае поле, якое круціцца, перасякае праваднікі абмоткі статара і ротара, і накіроўвае ў іх электрарухальную сілу (ЭРС). Калі абмоткі ротара замкнуты, пад дзеяньнем ЭРС ствараецца ток, і пры ўзаемадзеяньні з магнітным полем, якое круціцца, статара, на праваднік узьдзейнічае індукцыя:

\vec {dF} = I \vec {dl} \times \vec B

дзе I — сіла току; B — індукцыя магнітнага поля.

Высілак і плячо ствараюць элемэнтарны круцячы электра-магнітны мамэнт, які будзе накіраваны ў бок вярчэньня поля статара.

Канструкцыя[рэдагаваць | рэдагаваць крыніцу]

Асынхронная машына мае статар і ротар, падзеленыя паветраным зазорам. Яе актыўнымі часткамі з'яўляюцца абмоткі і магнітапровад; усе астатнія часткі — канструктыўныя, забясьпечвуюць неабходную трываласьць, калянасць, астуджэньне, магчымасць кручэння і т. п.

Абмотка статара ўяўляе сабой шматфазную (часьцей за ўсё трохфазную) абмотку, правадыры якой раўнамерна разьмеркаваныя па акружнасьці статара і пафазна выкладзеныя ў пазах з кутняй адлегласцю 120 электрычных градусаў. Фазы абмоткі статара злучаюць па стандартных схемах «трохкутнік» або «зорка» і падлучаюць да сеткі трохфазнага току. Магнітапровад статара перамагнічваецца падчас зьмен (кручэнні) магнітнага патока абмотак, таму яго вырабляюць шыхтованым (набраным з пласцін) з электратэхнічнай сталі для забесьпячэньня мінімальных магнітных страт.

Па канструкцыі ротары асынхронных машыны падзяляюць на два асноўных тыпа: з каротказамкнутым ротарам і з фазным ротарам. Абодва тыпа маюць аднолькавую канструкцыю статара і адрозніваюцца толькі выкананнем абмоткі ротара. Магнитапрвад ротара выконваецца аналягічна магнітапроваду статара — з электратэхнічнай сталі і шыхтованым.

Каротказамкнуты ротар[рэдагаваць | рэдагаваць крыніцу]

Ротар асынхроннай машыны тыпу «вавёрчына клетка»

Каротказамкнутая абмотка ротара, часта званая «вавёрчына клетка» з-за вонкавага падабенства канструкцыі, складаецца з медных або алюмініевых стрыжняў, замкнёных накаратка з тарцоў двума кольцамі. Стрыжні гэтай абмоткі ўстаўляюць у пазы стрыжня ротара. У машынах малой і сярэдняй магутнасьці ротар звычайна вырабляюць шляхам заліваньня расплаўленага алюмініевага сплава ў пазы стрыжня ротара. Разам са стрыжнямі «вавёрчынай клеткі» адліваюць каротказамыкальныя кольцы і кантавыя лопасьці, ажыццяўляльныя самавэнтыляцыю самога ротара і машыны ў цэлым. У машынах вялікай магутнасьці «вавёрчыну клетку» выконваюць з медных стрыжняў, канцы якіх уварваюць у каротказамыкальныя кольцы.

Часьцяком пазы ротара або статара робяць скошанымі для памяншэньня вышэйшых гарманік ЭРС, выкліканых пульсацыямі магнітнага патоку з-за наяўнасьці зубцоў, магнітны супраціў якіх істотна ніжэй магнітнага супраціву абмоткі, а таксама для паніжэньня шуму, выкліканага магнітнымі асаблівасьцямі. Для паляпшэньня пускавых характарыстык асынхроннага электрарухавіка з каротказамкнутым ротарам, а менавіта, павелічэньня пускавога моманту і памяншэньня пускавога току, на ротары ўжываюць адмысловую форму пазоў. Пры гэтым вонкавая ад восі кручэньня частка паза ротара мае меншы перасек чым унутраная. Гэта дазваляе выкарыстаць эфэкт выцясьненьня току, за рахунак якога павялічваецца актыўны супраціў абмоткі ротара пры вялікіх сьлізганьнях (пры пуску).

Асынхронныя рухавікі з каротказамкнутым ротарам маюць невялікі пускавы момант і значны пускавы ток, што з'яўляецца істотным недахопам «вавёрчынай клеткі». Таму іх ужываюць у тых электрычных прывадах, дзе не патрабуюцца вялікія пускавыя моманты. З вартасьцяў трэба адзначыць лёгкасьць у вырабе, і адсутнасць механічнага кантакту са статычнай часткай машыны (напружаньне на ротар падаваць ня трэба, пагэтаму няма калектарна-шчоткавага кантакту), што гарантуе даўгавечнасць і зьніжае выдаткаў на абслугоўваньне. Пры адмысловай канструкцыі ротара, калі магнітапровад ротара застаецца нерухомым, а круціцца ў магнітным зазоры толькі полы цыліндр з алюмінія (вавёрчына клетка або каротказамкнутая абмотка ротара) можна дасягнуць малой інэрцыйнаьсці рухавіка.

Фазны ротар[рэдагаваць | рэдагаваць крыніцу]

Фазны ротар мае шматфазную абмотку (звычайна злучаную па схэме «зорка») і выведзеную на кантактныя кольцы, якія верцяцца разам з валам машыны. З дапамогай металаграфітавых шчотак, якія слізгаюць па гэтых кольцах, у ланцуг абмоткі ротара ўключаюць пускарэгулюючы рэастат, які выконвае ролю дадатковага актыўнага супраціву, аднолькавага для кожнай фазы. Магчымы адмысловы рэжым працы: пры сілкаванні абмотак ротара ад сеткі (машына падвойнага сілкаваньня).

У рухавіках з фазным ротарам маецца магчымасьць павялічваць пускавы момант да максімальнага значэння (у першы момант часу) з дапамогай пускавога рэастата, тым самым памяншаючы пускавы ток. Такія рухавікі ўжываюцца для прывада мэханізмаў, якія пускаюць у ход пры вялікай нагрузцы або патрабавальных плаўнага рэгуляваньня хуткасьці.

Хуткасьць вярчэньня[рэдагаваць | рэдагаваць крыніцу]

Пры сілкаваньні абмоткі статара трохфазным токам ствараецца магнітнае поле, якое вярчаецца, сынхронная частасьць вярчэньня якога n_1\,\! [аб/хвіль] зьвязаная з частасьцю сілкуючай сэткі f\,\! [Гц] суадносенасьцю:

n_1 = \frac{60f}{p},

дзе p\,\! — колькасьць параў магнітных палюсоў поля статара.

У залежнасьці ад колькасьці пар палюсоў, значэньні поля статара, якое вярчаецца, можа быць (пры частасьці 50 Гц):

n, аб/хв. p
3000 1
1500 2
1000 3
750 4
600 5
500 6
300 10

З-за таго што частасьці вярчэньня поля статара і поля ротара розныя, то на ротары атрымліваецца хуткасьць вярчэньня на 2-5% меншая. Калі трэба ведаць хуткасьця вярчэняня ротара дакладна, прямяняюць формулу:

n={{f \cdot 60} \over p} {(1-S)},

дзе: S - сьлізганьне асынхроннага рухавіка

Слізгаценьнем называюць рознасьць частот вярчэньня магнітнага поля і ротара.

s = \frac{n_1 - n_2}{n_1}.

Рэжымы працы[рэдагаваць | рэдагаваць крыніцу]

Мэханічная характарыстыка асынхроннай машыны: а — рэжым рэкупэрацыі энэргіі ў сетку (генэратарны рэжым), б — рухавіковы рэжым, в — рэжым проціваўключэньня (рэжым электрамагнітнага тормазу).

Асынхронная машына можа працаваць у трох рэжымах: рэжыме Рухавіка, рэжыме Гэнэратара, і ў рэжыме Электрычнага Тормаза

Рухальны рэжым[рэдагаваць | рэдагаваць крыніцу]

Калі ротар нерухомы або частата яго кручэньня менш сінхроннай, то варочаючаяся магнітнае поле перасякае праваднікі абмоткі ротара і індукуе ў іх ЭРС, пад дзеяньнем якой на абмотцы ротара ўзьнікае ток. На праваднікі з токам гэтай абмоткі, разьмешчаныя ў магнітным полі абмоткі ўзбуджэньня, дзейнічаюць электрамагнітныя сілы; іх сумарны высілак утворыць электрамагнітны варочаючы момант, уцягваючый ротар за магнітным полем. Калі гэты момант досыць вялікі, то ротар прыходзіць у кручэньне, і яго частата кручэння n_2\,\! [аб/мін] адпавядае роўнасьці электрамагнітнага моманту тармазному, стваранага нагрузкай на вале, сіламі трэньня ў падшыпніках, вентыляцыяй і т.д. Частата кручэньня ротара не можа дасягнуць частаты кручэньня магнітнага поля, бо ў гэтым выпадку вуглавая хуткасьць кручэньня магнітнага поля адносна абмоткі ротара стане роўнай нулю, магнітнае поле перастане індукаваць у абмотцы ротара ЭРС і, у сваю чаргу, ствараць круцячы момант; такім чынам, для рухальнага рэжыму працы асынхроннай машыны справядліва няроўнасць:

0 \le n_2 < n_1.

Адносная рознасьць частот кручэньня магнітнага поля і ротара завецца сьлізганьнем:

s = \frac{n_1 - n_2}{n_1}.

Відавочна, што пры рухальным рэжыме 1 \ge s > 0\,\!.

Рэжым халастога ходу[рэдагаваць | рэдагаваць крыніцу]

Рэжым халастога ходу асынхроннага рухавіка ўзнікае пры адсутнасці на вале нагрузкі ў выглядзе рэдуктара альбо працоўнага органа. З досьведу халастога ходу могуць быць вызначаны значэнні намагнічвалага току і магутнасці страт у магнітаправодзе, у падшыпніках, у вентылятары. У рэжыме рэальнага халастога ходу s=0,01-0,08. У рэжыме ідэальнага халастога ходу n2=n1, такім чынам s=0.

Спосабы кіраваньня асынхронным рухавіком[рэдагаваць | рэдагаваць крыніцу]

Пад кіраваньнем асынхронным рухавіком разумеецца зьмена частаты кручэньня ротара і(або) яго працоўнага моманту. Існуюць наступныя спосабы кіраваньня асынхронным рухавіком:

  • рэастатны - зьмена частаты кручэньня АР з фазным ротарам шляхам зьмены супраціваў рэастатаў у электрычным ланцугу ротара, акрамя таго гэта павялічвае пускавы момант;
  • частотны - зьмена частаты кручэння АР шляхам зьмены частаты току ў сілкавальнай электрычнай сетцы, што вабіць за сабой зьмену частаты кручэньня поля статара. Ужываецца ўключэньне рухавіка праз частотны пераўтваральнік;
  • пераключэннем абмотак са схемы «зорка» на схему «трохкутнік» падчас пуску рухавіка, што дае паніжэньне пускавых токаў у абмотках прыкладна ў тры разы, але ў той жа час зьніжаецца і момант рухавіка
  • імпульсны — падачай напругі сілкаваньня адмысловага выгляду (напрыклад: пілаабразнага);
  • зьменай ліку пар канцавосьсяў рухавіка (гэта магчыма толькі ў выпадку калі такое пераключэньне прадугледжана канструктыўна);
  • зьменай амплітуды сілкавальнай напругі, калі зьмяняецца толькі амплітуда (або дзейснае значэньне) кіруючай напругі. Тады вектары напружаньняў кіраваньня і ўзрушанасьці застаюцца перпендыкулярныя;
  • фазавае кіраваньне характэрна тым, што зьмена частаты кручэньня ротара дасягаецца шляхам зьмены зруху фаз паміж вектарамі напружаньняў узбуджэньня і кіраваньня;
  • амплітудна-фазавы спосаб уключае ў сябе два апісаных вышэй спосаба;
  • уключэнне ў ланцуг сілкаваньня статара рэактараў
  • індуктыўны супраціўленьне для рухавіка з фазным ротарам

Глядзіце таксама[рэдагаваць | рэдагаваць крыніцу]

Літаратура[рэдагаваць | рэдагаваць крыніцу]

  • Курс лекцыяў па дысцыпліне «Электрычныя машыны» для студэнтаў спецыяльнасці Электрапрывад (ГДТУ імя П. О. Сухога)
  • А. В. Іваноў-Смаленскі — «Электрычныя машыны», Масква 2006 год

Вонкавыя спасылкі[рэдагаваць | рэдагаваць крыніцу]

Commons-logo.svg  Асынхронныя машынысховішча мультымэдыйных матэрыялаў