Белы журавель

Белы журавель
	Белы журавель
Клясыфікацыя
Надцарства	Эўкарыёты (Eukaryota)
Царства	Жывёлы (Metazoa)
Тып	Хордавыя (Chordata)
Кляса	Птушкі (Aves)
Надатрад	Кілегрудыя (Neognathae)
Атрад	Жураўлепадобныя (Gruiformes)
Сямейства	Жураўліныя (Gruidae)
Род	Журавель (Grus)
Від	Журавель белы
Бінамінальная намэнклятура
	Grus leucogeranus Pallas, 1773
	Белы журавель на Віківідах Белы журавель у Вікісховішчы ITIS 176185 · NCBI 40819

Жураве́ль бе́лы або стэрх (Grus leucogeranus) — вялікі журавель, які гняздуе ў каляпалярных раёнах Якутыі і Заходняе Сыбіры, а на зіму мігруе ў Кітай, Індыю ды Іран.

Стэрхі знаходзяцца пад пагрозай зьнікненьня і занесеныя ў Чырвоную кнігу Міжнароднага зьвязу аховы прыроды. Колькасьць якуцкае папуляцыі віду ацэньваецца прыблізна ў 2900—3000 асобінаў, заходнесыбірскае — каля 20 асобінаў.

Гняздуе і зімуе на забалочаных тэрыторыях, дзе харчуецца карэньнем ды воднымі расьлінамі^[1].

Вышыня каля 140 см, размах крылаў 210—230 см, вага 5—8,6 кг. Пер’е ў пярэдняй частцы галавы вакол вачэй і дзюба адсутнічаюць, скура ў гэтым месцы ў дарослых птушак пафарбаваная ў яскрава-чырвоны колер. Рагавіца вачэй чырванаватая або бляда-жоўтая. Дзюба даўгая (найдаўжэйшая з усіх журавоў), чырвоная, на канцы пілападобна зазубраная. Апярэньне большай часткі цела белае, за выняткам чорнага махавага пер’я першага парадку на крылах. Ногі доўгія, чырванавата-ружовыя^[2].