Будынак колішняй мужчынскай духоўнай вучэльні (Менск)

Зьвесткі зь Вікіпэдыі — вольнай энцыкляпэдыі
Флігель
Будынак колішняй мужчынскай духоўнай вучэльні
Краіна Беларусь
Горад Менск
Адрас вул. Рэвалюцыйная, 2/пл. Свабоды, 13
Каардынаты 53°54′14.47″ пн. ш. 27°33′13.35″ у. д. / 53.9040194° пн. ш. 27.5537083° у. д. / 53.9040194; 27.5537083Каардынаты: 53°54′14.47″ пн. ш. 27°33′13.35″ у. д. / 53.9040194° пн. ш. 27.5537083° у. д. / 53.9040194; 27.5537083
Архітэктурны стыль клясыцызм
Дата пабудовы 2-я пал. XVIII ст.
Статус Дзяржаўны сьпіс гісторыка-культурных каштоўнасьцяў Рэспублікі Беларусь
Будынак колішняй мужчынскай духоўнай вучэльні на мапе Беларусі
Будынак колішняй мужчынскай духоўнай вучэльні
Будынак колішняй мужчынскай духоўнай вучэльні
Будынак колішняй мужчынскай духоўнай вучэльні
Будынак колішняй мужчынскай духоўнай вучэльні на Вікісховішчы

Буды́нак ко́лішняй мужчы́нскай духо́ўнай вучэ́льні — частка комплексу Сядзібы Пшазьдзецкіх у Менску. Увесь комплекс занесены ў Дзяржаўны сьпіс гісторыка-культурных каштоўнасьцяў Рэспублікі Беларусь, як помнік рэспубліканскага значэньня[1].

Будынак духоўнае вучэльні месьціцца на вуліцы Рэвалюцыйнай, 2/плошчы Свабоды, 13[2].

Гісторыя[рэдагаваць | рэдагаваць крыніцу]

Вучэльня на паштоўцы пач. XX ст.

Пабудаваны ў 2-й палове XVIII ст., быў паўднёвым флігелем гарадзкой сядзібы Пшазьдзецкіх. У пачатку XIX ст. тут месьцілася аптэка, пазьней — пошта[3]. У 18701880 гг. у будынку правялі рэканструкцыю: дабудавалі трэці паверх і надалі будынку П-абразную форму. У XIX — пачатку XX ст. у будынку месьціўся інтэрнат мужчынскай духоўнай вучэльні. Пасьля Кастрычніцкай рэвалюцыі месьціўся Наркамат асьветы БССР, у 19221925 гг. першая шматгаліновая навукова-дасьледчая ўстанова ў рэспубліцы, папярэднік Акадэміі Навук БССР — Інстытут беларускай культуры (Інбелкульт), тут жа было Беларускае курортнае бюро, а з 1930 г. — Наркамат аховы здароўя. У 1956 годзе тут месьціўся кінатэатар «Навіны дня», які быў разьлічаны на 200 месцаў і служыў для паказу паўторных фільмаў[4]. Цяпер у будынку месьцяцца дзяржаўныя ўстановы[2].

Архітэктура[рэдагаваць | рэдагаваць крыніцу]

Будынак складаны, падоўжны ў пляне, з выступамі й скошаным кутом з боку пл. Свабоды. Першапачаткова ён быў Г-падобны ў пляне, двухпавярховы з цокальным паверхам. У канцы XIX ст. стаў П-падобны ў пляне, у тарцовых частках надбудаваны трэці паверх. Фасады маюць плоскаснае вырашэньне. Сьцены рытмічна прарэзаныя прастакутнымі аконнымі праёмамі ў простых ліштвах, на другім паверсе — аздобленыя сандрыкамі. Па пэрымэтры будынка праходзіць тонкапрафіляваны карніз. Першы паверх аддзелены ад цокальнага тонкім паяском. Трохпавярховыя тарцовыя часткі завершаныя невялікімі мансардамі пад двухсхільнымі дахамі. Сыстэма пляніроўкі зьмененая, спалучае анфіляднае разьмяшчэньне памяшканьняў і кароткія калідоры[1].

Крыніцы[рэдагаваць | рэдагаваць крыніцу]

  1. ^ а б Дзяржаўны сьпіс гісторыка-культурных каштоўнасьцяў Рэспублікі Беларусь / склад. В. Абламскі, І. Чарняўскі, Ю. Барысюк. — Менск: БелТА, 2009. — 684 с. — ISBN 978-985-6828-35-8
  2. ^ а б
  3. ^ пл. Свабоды — дом № 13
  4. ^ Минск. Справочник-путеводитель, 1956 (рас.). minchanin.esmasoft.com. Праверана 4 жніўня 2014 г.

Вонкавыя спасылкі[рэдагаваць | рэдагаваць крыніцу]

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  711Е000001

Будынак колішняй мужчынскай духоўнай вучэльні (Менск)сховішча мультымэдыйных матэрыялаў