Бэркль (па-лацінску: Berkelium) Bk — хімічны элемэнт групы актынойдаў пэрыядычнай сыстэмы; атамны нумар 97. Радыёактыўны мэтал серабрыста-белага колеру. Атрыманы ў 1949 годзе навукоўцамі Г. Сыбаргам, С. Томпсанам, А. Гіорса пры бамбардзіроўцы Амэрыца-241 паскоранымі α-часьцінкамі, разагнанымі на цыклатроне.
Названы ў гонар гораду Бэрклі (Каліфорнія), у якім знаходзіцца радыяцыйная лябараторыя Каліфарнійскага Ўнівэрсытэту (Нацыянальная лябараторыя імя Лоўрэнса), дзе й быў атрыманы Бэркль.