Вольга Нарушэвіч

Вольга Нарушэвіч
	Вольга Нарушэвіч
Дата нараджэньня	1924
Месца нараджэньня	Мядзьведзічы, Гміна Мядзьведзічы, Баранавіцкі павет, Наваградзкае ваяводзтва, Польская Рэспубліка;
Дата сьмерці	невядома
Месца сьмерці	Сыднэй, Аўстралія;
Месца вучобы	Віленская беларуская гімназія; Лювэнскі каталіцкі ўнівэрсытэт;

Во́льга Нарушэ́віч (дзявочае Воўк-Левановіч; нар. ў 1924, м. Мядзьведзічы, цяпер Ляхавіцкі раён) — актыўная дзяячка беларускага руху ў Аўстраліі. З роду Воўк-Левановічаў, сястра Аўгіньні Каранеўскай.

Жыцьцяпіс[рэдагаваць | рэдагаваць крыніцу]

Навучалася ў Віленскай беларускай гімназіі, Баранавіцкай мэдычнай школе, на эміграцыі студыявала фармацэўтыку ў Лювэнскім унівэрсытэце (Бэльгія). У 1952 годзе сьледам за бацькамі пераехала ў Аўстралію. У Сыднэі пабралася шлюбам з інжынэрам Станіславам Нарушэвічам. Нарадзіла сына. Разам з мужам далучылася да беларускай грамады Сыднэю. Сяброўка Беларускага Культурна-Грамадзкага Клюбу. Дапамагала ў падрыхтоўцы нацыянальных выставаў. Доўгачасовы ахвярадаўца на беларускія эміграцыйныя выданьні й розныя грамадзкія ініцыятывы.