Вугор

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Вугор
Anguilla anguilla.jpg
Клясыфікацыя
Царства Жывёлы
Надкляса Рыбы
Кляса Касьцявыя рыбы
Сямейства Рачныя вугры
Род Рачныя вугры
Від Вугор
Бінамінальная намэнклятура
Anguilla anguilla

Рачны вугор, эўрапейскі вугор, звычайны вугор, звычайны рачны вугор (па-лацінску: Anguilla anguilla) — від драпежных прэснаводных рыб зь сямейства рачныя вугры.

Валодае доўгім целам з бура-зеленаватай сьпінай, з жаўцізной на баках і брушной частцы. Здольны па мокрай ад дажджу ці расы траве пераадольваць значныя ўчасткі сушы, перабіраючыся з аднаго вадаёма ў другі і аказваючыся такім чынам у замкнёных, бязьсьцёкавых азёрах. Аддае перавагу ціхім водам, аднак сустракаецца і на хуткай плыні. Трымаецца ў ніжніх пластах на рознай глыбіні і любым донным грунце ў сховішчы, якімі могуць быць: нара, валун, корч, густыя зарасьнікі травы. Палюе ўначы на прыбярэжным мелкаводзьдзі, хоць хапае прынаду і днём, калі яна ў непасрэднай блізкасьці. Харчуецца лічынкамі насякомых, малюскаў, жабамі, дробнай рыбай. Дасягае двухмэтровай даўжыні і вагі 4 кг.

Нерасьціцца вугор у 8000 км ад месцаў нагула - у 2000 м пад вадой Саргасава мора, пасьля чаго гіне. Лічынкі, якія зьявіліся на сьвет, разам з Гальфстрымам, тры гады рухаюцца разам зь цёплай воднай масай да берагоў Эўропы, ператвараючыся ў рэшце рэшт у так званых шкляных вугроў, пакуль яшчэ цалкам не падобных да дарослых асобін. Набывае зьнешні выгляд дарослай асобіны толькі ля ўзьбярэжжа Эўропы.

Распаўсюджваньне[рэдагаваць | рэдагаваць крыніцу]

Насяляе вадаёмы басэйна Балтыйскага мора, у значна меншай колькасьці - у рэках і азёрах басейнаў Азоўскага, Чорнага, Белага, Баранцава мораў. Водзіцца ў многіх вадаёмах Беларусі. Раней у рэкі і азёры Беларусі (басэйны Нёмана, Заходняй Дзьвіны і Заходняга Буга) заплываў з Балтыйскага мора, с пабудовай плацін натуральная міграцыя вугра спынілася.

Экалёгія[рэдагаваць | рэдагаваць крыніцу]

У 2010 годзе Грынпіс дадаў рачнога вугра ў свой Чырвоны сьпіс (сьпіс рыбаў, якія прадаюцца ў звычайных супермаркетах па ўсім сьвеце і маюць вялікую рызыку зьнікнуць з-за непамернай лоўлі).