Вялікі комтур
Вялікі комтур, арцыкомтур (па-нямецку: Großkomtur) — адзін з найвышэйшых чыноў у кіраўніцтве Тэўтонскага Ордэну. Наступнік вялікага магістра (хохмайстра).
Пасада вялікага комтура прыблізна адпавядае цяперашняму прэм’ер-міністру і міністру ўнутраных справаў.
У выпадку пагрозы пры адсутнасьці хохмайстра меў права кіраваньня ўзброенымі сіламі Ордэну. У мірны час загадваў арсэналамі, вырабам рыштунку, складамі збожжа, а падчас вайны выконваў ролю абознага і галоўнага інтэнданту войскаў. Яму падначальваўся наземны і водны транспарт.
Адзін з двух ураднікаў, акрамя вялікага магістра, якія мелі ключы ад скрыні зь пячаткай Ордэну. Разам з чатырма іншымі саноўнікамі (вялікім маршалам, вялікім шпітальнікам, вялікім шатным, вялікім скарбнікам) уваходзіў у раду вялікага магістра[1].
Памочнікам вялікага комтуру быў віцэ-комтур (іначай малы комтур).
Да зьяўленьня пасады вялікага скарбніка (1240 рок) распараджаўся скарбам Ордэну.
Крыніцы і заўвагі[рэдагаваць | рэдагаваць крыніцу]
Літаратура[рэдагаваць | рэдагаваць крыніцу]
- Stefan M. Kuczyński. Вялікая вайна з Тэўтонскім Ордэнам 1409—1411 гадоў = Wielka Wojna z Zakonem Krzyżackim w latach 1409 - 1411. — Warszawa: WIH, 1980. — 68 с. — ISBN 83-11-06262-5
- Алесь Краўцэвіч. Тэўтонскі ордэн: ад Ерусаліма да Грунвальда. — Менск: «Навука і тэхніка», 1993. — 47 с. — 5000 ас. — ISBN 5-343-01409-7
Вонкавыя спасылкі[рэдагаваць | рэдагаваць крыніцу]
- Баранаў А. Список великих комтуров Тевтонского ордена (рас.). DEUSVULT.RU. Праверана 2012-07-14 г.