Гарыбальдчыкі

Зьвесткі зь Вікіпэдыі — вольнай энцыкляпэдыі
Гарыбальдчыкі

Франчэска Нульлё, генэрал легіёну
Гады існаваньня 1863
Краіна Італія
Падпарадкаваньне Польшча
Удзел у бітва пад Кжыкаўкай
Дзейны камандзір Франчэска Нульлё

Гарыбальдчыкі або Легіён Гарыбальдзі — аддзел італійскіх дабраахвотнікаў, якія бралі ўдзел у Студзеньскім паўстаньні 1863 року. Іхняй арганізацыяй займаўся сын Джузэпэ ГарыбальдзіМэноцьці, а даводцам быў Франчэска Нульлё, які загінуў у адным з баёў на тэрыторыі Кангрэсавай Польшчы.

Дзейнасьць[рэдагаваць | рэдагаваць крыніцу]

Прыхільнік польскіх паўстанцаў, Франчэска Нульлё склікаў у Бэргама ўсіх ахвотных. У красавіку 1863 року ягоны аддзел прыбыў у Кракаў. 3 траўня італійцы перайшлі мяжу з Кангрэсавай Польшчы ля Крышавіц. Злучыўшыся з паўстанцкім аддзелам палкоўніка Юзэфа Мінеўскага, яны ў той самы дзень разьбілі расейскае войска пад Падлэмжамі.

5 траўня адбылася бітва пад Кжыкаўкай, у якой гарыбальдчыкі атрымалі значныя страты, Франчэска Нульлё і Юзэф Мінеўскі былі забітыя, ад’ютант Нульлё Элья Маркецьці сканаў ад ран некалькі дзён пазьней. Некаторыя італійцы трапілі ў палон і былі сасланыя ў Сыбір, астатнія здолелі вярнуцца ў Італію.

Уплыў[рэдагаваць | рэдагаваць крыніцу]

Большасьць дасьледнікаў ацэньваюць колькасьць гарыбальдчыкаў у дваццаць чалавек[1], таму яны не аказалі вялікага ўплыву на хаду вайсковых дзеяньняў. Аднак сталіся запамінальным прыкладам замежнай падтрымкі паўстанцаў. Цяпер імя Франчэска Нульлё ці ягонага аддзелу маюць шматлікія вуліцы і школы ў розных местах Польшчы.

Крыніцы[рэдагаваць | рэдагаваць крыніцу]

  1. ^ Monica Gardner. An Italian Tragedy in Siberia // The Sewanee Review. — Jul. - Sep., 1926. — Т. 34. — № 3. — С. 329—338.