Генуэскі мэтрапалітэн

Map

Генуэскі мэтрапалітэн — лёгкае мэтро гораду Генуя, якое складаецца з адной лініі, што злучае цэнтар Генуі з прыгарадам Рывароля і паўночным захадам гарадзкога цэнтру. Абслугоўваньнем сёньня займаецца кампанія Azienda Mobilità e Trasporti, якая забясьпечвае ўвесь гарадзкі транспарт.

Агульная працягласьць лініі 7,1 км (8 станцыяў), стандартная шырыня каляіны 1435 мм і напружаньне ў 750 вольт. Мэтро пабудавалі ў 1990 годзе да Чэмпіянату сьвету па футболе.

Станцыі

Зараз дзейнічаюць наступныя станцыі:

• Брын-Чэртоза (Brin-Certosa)
• Дынэґро (Dinegro)
• Прынчыпэ (Principe)
• Дарсэна (Darsena)
• Сан-Джорджа-Карыкамэнта (San Giorgio-Caricamento)
• Сант’Аґастына-Сарцана (Sant’Agostino-Sarzano)
• Дэ Фэрары (De Ferrari)
• Brignole

Новыя станцыі

На сёньняшні дзень лінію працягваюць ва ўсходнім кірунку, плянуецца пабудаваць яшчэ дзьве станцыі Карвэта-Аквазоля (Corvetto-Acquasola) і Брыньнёле (Brignole). Завяршэньне будаўніцтва плянуецца ў 2011 годзе.

Акрамя гэтага, плянуецца пашырыць лінію да станцыі Валь Пальчавэра (Val Polcevera) — ад станцыі Брын і правесьці дзьве лініі ад Брыньнёле да бальніцы ў Сан-Мартына і стадыёна Люіджы Фэрарыс.

Вонкавыя спасылкі

Генуэскі мэтрапалітэн — сховішча мультымэдыйных матэрыялаў

• Неафіцыйны сайт
• Urbanrail.net Сайт гораду Генуя