Дайна

Шафа дайн з тэкстамі амаль 230 000 латыскіх дайн, Латвійская нацыянальная бібліятэка

Да́йна — летувіская і латыская народная песьня. Літоўскія дайны — накшталт беларускіх лірычных песень розных жанраў каляндарна-абрадавага і сямейна-абрадавага цыклаў. Латыскія дайны нагадваюць нашы прыпеўкі: чатырохскладовікі, напісаныя з цэзурай пасярэдзіне. Фальклярыст К. Барон у свой час запісаў амаль 218 тысячаў латыскіх дайнаў і выдаў іх у шасьці тамах (1894—1915). Асобныя зь іх у перакладзе П. Масальскага на беларускую мову ўвайшлі ў зборнік «Дайны» (1987).

Літаратура

• Рагойша В. П. Паэтычны слоўнік. — 3-е выд., дапрац. і дапоўн. — Менск: Беларуская навука, 2004. — 576 с. — 2000 ас. — ISBN 985-08-0598-6
• Рагойша В. П. Тэорыя літаратуры ў тэрмінах. — Менск: Беларуская энцыклапедыя, 2001. — 384 с. — 1000 ас. — ISBN 985-11-0197-4