Дзяражня (прыток Бесядзі)
| Дзяражня | |
| Агульныя зьвесткі | |
|---|---|
| Выток | каля в. Дзяражня |
| Вусьце | Беседзь |
| Краіны басэйну | Беларусь |
| Вобласьці | Магілёўская вобласьць |
| Даўжыня | 54 км |
| Сярэднегадавы сьцёк | 1,6 м³/с |
| Плошча басэйну | 312 км² |
| Нахіл воднай паверхні | 0,8 ‰ |
Дзяра́жня, Дзяражанка — рака ў Клімавіцкім і Касцюковіцкім раёнах Магілёўскай вобласьці, правы прыток ракі Беседзі (басэйн Дняпра). Даўжыня 54 км. Плошча вадазбору 312 км². Выдатак вады ў вусьці 1,6 м³/с. Сярэдні нахіл воднай паверхні 0,8‰.
Пачынаецца за 1 км на поўнач ад вёскі Дзяражня Клімавіцкага раёну, вусьце на ўсходняй ускраіне вёскі Белая Дуброва Касьцюковіцкага раёну. Цячэ паўднёва-ўсходняй ускраінай Аршанска-Магілёўскай раўніны.
Даліна ў высокай плыні невыразная, ніжэй трапэцападобная, шырыня яе 1—2 км. Абалона двухбаковая, у высокай плыні да вёскі Брацькавічы Касьцюковіцкага раёну месцамі забалочаная, ніжэй адкрытая, лугавая, шырынёй 0,7—0,8 км. Рэчышча ад вытоку на працягу 8,3 км каналізаванае, ніжэй зьвілістае, яго шырыня ў межань 6—10 м[1].
Крыніцы[рэдагаваць | рэдагаваць крыніцу]
- ^ Блакітная кніга Беларусі. Энцыкл. — Мн.: 1994. С. 144
Літаратура[рэдагаваць | рэдагаваць крыніцу]
- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 144