Дэпартамэнт паліцыі міністэрства ўнутраных справаў Летувіскай Рэспублікі

	Паліцэйскі дэпартамэнт міністэрства ўнутраных справаў Летувіскай Рэспублікі
	лет. Policijos departamentas prie Lietuvos Respublikos vidaus reikalų ministerijos
	Эмблема паліцэйскага дэпартамэнту Летувы
Агульная інфармацыя
Дата ўтварэньня	2 кастрычніка 1918 (105 гадоў таму)
Від	міліцыя
Месцазнаходжаньне	Вільня, Салтанішкі 19
Дзейнічае ў месцах	Летува
Генэральны сакратар	Саўл Сквэрнэліс
Управа	Міністэрства ўнутраных справаў Летувы[d]
Іншае
Гадавы бюджэт	658,9 mln. Lt (2010)
Колькасьць работнікаў	14 600 (2010)
Старонка ў сеціве	policija.lrv.lt
	Паліцэйскі дэпартамэнт міністэрства ўнутраных справаў Летувіскай Рэспублікі ў Вікісховішчы

Паліцэйскі дэпартамэнт міністэрства ўнутраных справаў Летувіскай Рэспублікі (па-летувіску: Policijos departamentas prie Lietuvos Respublikos vidaus reikalų ministerijos) — цэнтральны орган унутраных справаў, мэта якога — арганізацыя і кантроль працы паліцыі для забесьпячэньня асабістай, грамадзкай бясьпекі і грамадзкага парадку . Дэпартамэнт паліцыі забясьпечвае каардынацыю паміж усімі структурамі паліцыі Летувы, і мае 16 установаў, разьмешчаных па ўсёй тэрыторыі Летувы.

Сыстэма паліцыі Летувы[рэдагаваць | рэдагаваць крыніцу]

Паліцыя Летувы складаецца з:

Дэпартамэнт паліцыі пры Міністэрстве ўнутраных справаў (па-летувіску: Policijos departamentas prie Vidaus reikalų ministerijos) — паліцэйскае ўпраўленьне, прызначанае для дапамогі Генэральнаму камісарыяту паліцыі пры фармаваньні стратэгіі дзеяньняў і кантролю за яе ажыцьцяўленьнем, а таксама для арганізацыі і каардынацыі мясцовых паліцэйскіх органаў упраўленьня;
Мясцовыя паліцэйскія ўлады (па-летувіску: Teritorinės policijos įstaigos) — камісарыяты паліцыі, надзеленыя паўнамоцтвамі ў рамках заканадаўства, з ўскладзенымі на іх функцыямі на пэўнай тэрыторыі.
Паліцэйскія навучальныя установы (па-летувіску: Policijos profesinio ugdymo įstaigos) — створаныя Генэральным камісарыятам аддзелы паліцыі, прызначаныя для прафэсійнага навучаньне а таксама для забесьпячэньня прафэсійнага росту супрацоўнікаў паліцыі.
Спэцыялізаванае аддзяленьне паліцыі (па-летувіску: Specializuotos policijos įstaigos) — за межамі ўсталяванага тэрытарыяльнага прынцыпу дадзеныя паліцэйскія падразьдзяленьні ўдзельнічаюць у межах дэлегаваных ім пэўных (спэцыяльных) функцый паліцыі.

Функцыі[рэдагаваць | рэдагаваць крыніцу]

Дэпартамэнт паліцыі:

забясьпечвае выкананьне пастаўленых задач паліцыі;
кантралюе і каардынуе дзейнасьць падпарадкаваных органаў паліцыі і прадастаўляе ім кансультацыі і рэкамэндацыі;
распаўсюджвае падпарадкаваным паліцэйскім органам форму стратэгіі апэрацыйнай і кадравай палітыкі;
забясьпечвае рэалізацыю праграмаў дзяржаўных установаў паліцыі;
арганізуе выкананьне і кантроль рашэньняў Генэральнага камісарыяту паліцыі^[3].

Структура[рэдагаваць | рэдагаваць крыніцу]

Дэпартамэнт паліцыі;
Інстанцыі, якія належаць Дэпартамэнту паліцыі:
- Тэрытарыяльныя органы паліцыі:
  - Камісарыят паліцыі Панявескага павету;
  - Камісарыят паліцыі Таўраскага павету;
  - Камісарыят паліцыі Алітускага павету;
  - Камісарыят паліцыі Мар’ямпальскага павету;
  - Камісарыят паліцыі Шаўліскага павету;
  - Камісарыят паліцыі Цельшыскага павету;
  - Камісарыят паліцыі Клайпедзкага павету;
  - Камісарыят паліцыі Уцянскага павету;
  - Камісарыят паліцыі Віленскага павету;
  - Камісарыят паліцыі Ковенскага павету;
- Летувіская паліцыя антытэрарыстычных апэрацыяў каманды «Aras»;
- Бюро крымінальнай паліцыі Летувы ;
- Цэнтар крыміналістыкі паліцыі Летувы;
- Школа паліцыі Летувы;
- Дарожная паліцыя Летувы;
- Грамадзянская паліцыя Летувы каманды «Vytis».