Жэрчычы

Зьвесткі зь Вікіпэдыі — вольнай энцыкляпэдыі
Жэрчычы
польск. Żerczyce
Жэрчычы
Дата заснаваньня: 1545
Былая назва: Жырчычы
Мясцовая назва: Žyrčyčy
Краіна: Польшча
Ваяводзтва: Падляскае
Павет: Сямяціцкі
Гміна: Нурэц-Станцыя
Насельніцтва:
Часавы пас: UTC+1
летні час: UTC+2
Тэлефонны код: (+48) 85
Паштовы індэкс: 17-307
Нумарны знак: BSI
Геаграфічныя каардынаты: 52°31′0″ пн. ш. 23°1′0″ у. д. / 52.51667° пн. ш. 23.01667° у. д. / 52.51667; 23.01667Каардынаты: 52°31′0″ пн. ш. 23°1′0″ у. д. / 52.51667° пн. ш. 23.01667° у. д. / 52.51667; 23.01667
Жэрчычы на мапе Польшчы
Жэрчычы
Жэрчычы
Жэрчычы
Галерэя здымкаў у Вікісховішчы

Жэ́рчычы (па-польску: Żerczyce, па-падляску: Žýrčyčy[2]) — вёска ў Сямяціцкім павеце Падляскага ваяводзтва Польшчы. Знаходзіцца ў гміне Нурэц-Станцыя.

Царква Дзьмітра Салунскага (1872 г.)

Празь вёску праходзіць ваяводзкая дарога 693.

Насельніцтва[рэдагаваць | рэдагаваць крыніцу]

Жыхары вёскі ў большасьці этнічныя беларусы, праваслаўныя (прыход сьв. Дзьмітра Салунскага на месцы). Па набліжанасьці мясцовай гаворкі да ўкраінскай мовы ў меншай часткі жыхароў украінская нацыянальная ідэнтыфікацыя. Каталіцкая частка насельніцтва (парафія Маткі Боскай Чанстахоўскай у Нурцы-Станцыі[3]) па этнічных ідэнтыфікацыях — польская.

Гісторыя[рэдагаваць | рэдагаваць крыніцу]

Капліца

Паводле мясцовай царкоўнай хронікі ўзьнікненьне першай царквы ў Жэрчычах датуецца 1001 годам, калі пасьля бітвы князя Ўладзімера зь яцьвягамі быў пабудаваны невялікі гарадок[4]. Вёска вялікакняскіх мужыкоў існавала тут праўдападобна ў 15 ст., але першыя пісьмовыя зьвесткі пра яе паходзяць толькі з 1545 г., калі была падзеленая паміж 3 маёнткамі, 1 зь іх падпарадкоўваўся непасрэдна мельніцкаму старасту. Вёска была моцна зьнішчаная ў час швэдзкіх войнаў 17 ст. і была заселеная новымі жыхарамі[5]. Сёньняшняя парафіяльная царква была пабудаваная ў 1872 г., а могілкавая капліца сьв. Веры, Надзеі і Любоўі ў 1873 годзе. У міжваенны пэрыяд Жэрчычы прыналежалі да гміны Мілейчыцы Бельскага павету Беластоцкага ваяводзтва. Паводле польскага перапісу насельніцтва 1921 г. пражывала тут 271 жыхароў (19 каталікоў, 248 праваслаўных, 4 габрэі; 27 жыхароў было запісаных палякамі, 240 беларусамі і 4 жыдамі)[6]. У час савецка-нямецкіх баёў 22 ліпеня 1944 г. парафіяльная царква была амаль поўнасьцю зьншчаная і адбудоўвалася да 1951 году.

Крыніцы[рэдагаваць | рэдагаваць крыніцу]

  1. ^ https://bdl.stat.gov.pl/api/v1/data/localities/by-unit/062013810072-0038089?var-id=1639616&format=jsonapi
  2. ^ Michał Kondratiuk, Nazwy miejscowe południowo-wschodniej Białostocczyzny, Wrocław, Warszawa, Kraków, Gdańsk: Zakład Narodowy im. Ossolińskich, Wydawnictwo Polskiej Akademii Nauk, 1974, s. 232
  3. ^ NURZEC STACJA – Parafia Matki Bożej Częstochowskiej (пол.). Diecezja drohiczyńska. Праверана 1 чэрвеня 2016 г.
  4. ^ Міра Лукша Жэрчычы. Крыж на кургане Ніва. № 47 (2897), 20 лістапада 2011 г. Праверана 1 чэрвеня 2016 г.
  5. ^ Atlas gwar wschodniosłowiańskich Białostocczyzny, red. S. Glinka, A. Obrębska-Jabłonowska, J. Siatkowski, t. 1, Wrocław-Warszawa-Kraków-Gdańsk 1980, s. 61-62 Праверана 1 чэрвеня 2016 г.
  6. ^ Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5. Województwo białostockie, с. 23 (пол.) Праверана 1 чэрвеня 2016 г.

Вонкавыя спасылкі[рэдагаваць | рэдагаваць крыніцу]

Жэрчычысховішча мультымэдыйных матэрыялаў