Каліпса

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку

Каліпса (па-старажытнагрэцку: Καλυψώ) — у старажытнагрэцкай міталёгіі[1] німфа, якая жыла на востраве Агігія на Крайнім захадзе, куды патрапіў выратаваны Адысэй адломкам карабля, разьбітага маланкай Зэўса за вынішчэньне быкоў Гэліёса.

Асноўны міт[рэдагаваць | рэдагаваць крыніцу]

Дачка Атлянта[2] і (паводле Гігіна) Плеёны[3]. Паводле вэрсіі, дачка Гэліёса[4].

На Агігіі Каліпса жыла сярод прыгожых краявідаў, у гроце, увітым вінаграднымі лозамі. Яна — умелая ткачыха. Штодня зьяўлялася ля кроснаў у празрыстым срэбным адзеньні.

Каліпса трымала ў сябе Адысэя 7 гадоў, хаваючы ад астатняга сьвету (паводле вэрсіі, год[5]). Марна жадала зьвязаць зь ім сваё жыцьцё назаўжды, прапаноўваючы яму неўміручасьць і вечную юнацкасьць. Адысэй не пераставаў тужыць па радзіме і жонцы. Нарэшце багі зьлітаваліся і паслалі да яе Гэрмэса з загадам адпусьціць Адысэя. Каліпса супраць волі змушаная была яго вызваліць, папярэдне аказаўшы яму дапамогу ў будаўніцтве плыта, на якім ён і пусьціўся ў наступнае плаваньне.

Іх дзеці ў «Адысэю» не згаданыя. Паводле іншых аўтараў, яна нарадзіла ад Адысэя сына Лятына[6]; альбо нарадзіла ад Адысэя Наўсіфоя і Наўсіноя[7]. Таксама нарадзіла ад Гэрмэса кефаленаў[8].

Паводле вэрсіі Гігіна, учыніла самагубства праз каханьне да Адысэя[9].

Крыніцы[рэдагаваць | рэдагаваць крыніцу]

  1. ^ Мифы народов мира. М., 1991-92. В 2 т. Т.1. С.616
  2. ^ Гомер. Одиссея VII 244
  3. ^ Гигин. Мифы. Введение 16
  4. ^ Цец. Комментарий к «Александре» Ликофрона 174
  5. ^ Гигин. Мифы 125
  6. ^ Псевдо-Аполлодор. Мифологическая библиотека Э VII 24
  7. ^ Гесиод. Теогония 1018
  8. ^ Гесиод. Перечень женщин, фр.150, ст.30 М.-У.
  9. ^ Гигин. Мифы 243

Вонкавыя спасылкі[рэдагаваць | рэдагаваць крыніцу]

Commons-logo.svg  Каліпсасховішча мультымэдыйных матэрыялаў