Камасінская мова
| Камасінская мова | |
| Ужываецца ў | Расеі |
|---|---|
| Рэгіён | Сыбір (поўнач Саянаў) |
| Колькасьць карыстальнікаў | — |
| Клясыфікацыя | Уральскія мовы
|
| Афіцыйны статус | |
| Статус: | 10 вымерлая[d][1] |
| Коды мовы | |
| ISO 639-2(Т) | xas, zkb |
| ISO 639-3 | xas |
Камасінская мова — самадыйская мова ўральскае моўнае сям'і, на якой размаўлялі камасінцы. За сёньняшнім часам зьяўляецца мёртвай мовай.
Была распаўсюджаная ў рэгіёне паўночнае часткі Саянаў; дыялект камасінскае мовы, на якім размаўлялі кайбалы, утвараў асобны анкляў на поўдзень ад асноўнага абшару камасінцаў. Носьбіты гэтага дыялекту жылі ў басэйнах рэк Абакан, Амыл, Кандат, Кебеж, Туба, Оя, Шадат (паўднёвы захад Краснаярскага краю Расеі).
Кароткі нарыс[рэдагаваць | рэдагаваць крыніцу]
Камасінская мова падзялялася на два дыялекты: камасінскі ды кайбальскі. Мова ўваходзіла ў склад паўднёвае падгрупы самадыйскае групы ўральскае моўнае сям'і.
Найбольш значныя матэрыялы па мове, у тым ліку і фальклёрныя тэксты, сабраў у пачатку ХХ ст. фінскі лінгвіст Кай Донэр. Таксама мову дасьледавалі А. Тугарынаў, фінскі філёляг і дасьледнік уральскіх моваў Матыяс Кастрэн. У 1963 годзе экспэдыцыяй Уральскага ўнівэрсытэту пад кіраўніцтвам Аляксандра Матвеева ў вёсцы Аблакава былі знойдзеныя людзі пажылога ўзросту, якія яшчэ памяталі мову. У 1960-70 гадох зь імі працаваў эстонскі лінгвіст Ага Кюнап. Апошні носьбіт камасінскае мовы — Клаўдзія Плотнікава — памёрла ў 1989 року ва ўзросьце 94 гадоў.
Лінгвісты здолелі запісаць блізу 1500 словаў камасінскае мовы.
Крыніцы[рэдагаваць | рэдагаваць крыніцу]
- ^ Ethnologue (анг.) — 25, 19 — Dallas, Texas: SIL International, 2022. — ISSN 1946-9675
Літаратура[рэдагаваць | рэдагаваць крыніцу]
- Britannica, 1984 Edition, Vol. 18, p. 1025
- Donner K. Samojedische Wörterverzeichnisse. Helsinki, 1932.
- Donner K. Kamassisches Wörterbuch. Helsinki, 1944.
- Wixman, Ronald. The Peoples of the USSR. p. 109
Вонкавыя спасылкі[рэдагаваць | рэдагаваць крыніцу]
- Kamas | Ethnologue
- Kamassian-English Glossary
- Kamassian-Russian Dictionary. Камасинско-русский словарь
- M. Alexander Castrén's Grammatik der samojedischen Sprachen : Matthias Alexander Castrén, Anton Schiefner
- M. Alexander Castrén's Wörterverzeichnisse aus den samojedischen Sprachen ... : Matthias Alexander Castrén, Anton Schiefner
- Матвеев А. К. Новые данные о камасинском языке и камасинской топонимике// Вопросы топономастики. Вып. 2. Свердловск, 1965.