Касьцёл Найсьвяцейшай Тройцы (Безьдзеж)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Найсьвяцейшай Тройцы.

Помнік сакральнай архітэктуры
Касьцёл Найсьвяцейшай Тройцы

Краіна	Беларусь
Вёска	Безьдзеж
Каардынаты	52°18′58″ пн. ш. 25°18′17″ у. д. / 52.31611° пн. ш. 25.30472° у. д. / 52.31611; 25.30472Каардынаты: 52°18′58″ пн. ш. 25°18′17″ у. д. / 52.31611° пн. ш. 25.30472° у. д. / 52.31611; 25.30472
Канфэсія	Каталіцкая царква
Эпархія	Пінская дыяцэзія
Архітэктурны стыль	клясыцызм
Статус	Дзяржаўны сьпіс гісторыка-культурных каштоўнасьцяў Рэспублікі Беларусь^[1]
Касьцёл Найсьвяцейшай Тройцы на мапе Беларусі Касьцёл Найсьвяцейшай Тройцы
Касьцёл Найсьвяцейшай Тройцы на Вікісховішчы

Касьцёл Найсьвяцейшай Тройцы — помнік архітэктуры XIX ст. у Безьдзежы. Знаходзіцца ў цэнтры колішняга мястэчка. Дзейнічае. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Утвараў адзіны ансамбль зь вежай-званіцай, зруйнаванай савецкімі ўладамі.

Гісторыя[рэдагаваць | рэдагаваць крыніцу]

Вялікае Княства Літоўскае[рэдагаваць | рэдагаваць крыніцу]

Першы драўляны касьцёл у Безьдзежы збудавалі ў XVI ст.

Пад уладай Расейскай імпэрыі[рэдагаваць | рэдагаваць крыніцу]

Па трэцім падзеле Рэчы Паспалітай (1795 год), калі Безьдзеж апынуўся ў складзе Расейскай імпэрыі, касьцёл працягваў дзейнічаць. У 1818 годзе замест драўлянага збудавалі мураваны касьцёл^[2].

Па здушэньні нацыянальна-вызвольнага паўстаньня (1863—1864) у 1865 годзе расейскія ўлады гвалтоўна перарабілі касьцёл пад царкву Ўрадавага сыноду Расейскай імпэрыі (Маскоўскай царквы).

Існуюць зьвесткі^[3], што 27 чэрвеня 1914 году намаганьнямі Рамана Скірмунта ў Безьдзежы пачалося будаваньне новага мураванага касьцёла. Гэты касьцёл скончылі ў 1915 годзе з фундацыі зямяніна Караля Орды, які яшчэ ў 1907 годзе ахвяраваў 2 дзесяціны зямлі і будаўнічы матэрыял, і на сродкі сялянаў.

Найноўшы час[рэдагаваць | рэдагаваць крыніцу]

У міжваеннай Польскай Рэспубліцы будынак касьцёла вярнулі каталікам. З 1990-х гадоў касьцёл належаць да Пінскага дэканату Пінскай дыяцэзіі.

Архітэктура[рэдагаваць | рэдагаваць крыніцу]

Твор архітэктуры клясыцызму. Гэта прастакутны ў пляне аб'ём, накрыты 2-схільным вальмавым дахам. Цэнтральнай восьсю галоўнага фасада разьмяшчаецца ўваходны партал з сандрыкам, над ім люнэт, франтон з круглым акном у тымпане і невялікая цыліндрычная сыгнатурка з крыжам у завяршэньні. Бакавыя фасады падзяляюцца прастакутнымі аркавымі праёмамі. На ляканічных фасадах вылучаецца антаблемэнт, дзеля простай дэкарацыі выкарыстоўваюцца карнізныя цягі з зубчыкамі, лапаткі на вуглах і ў прасьценках. Уваход мае выгляд партала з паўкруглай люкарнай.

Унутраная прастора перакрываецца бэлечнай стольлю. Над уваходам разьмяшчаюцца крывалінейнага абрысу хоры.

Крыніцы[рэдагаваць | рэдагаваць крыніцу]

^ ^а ^б https://heritage.gov.by/catalog/troitcki-kastcel-185
^ Касьцёл Найсьвяцейшай Тройцы , Radzima.org
^ Кулагін А. Каталіцкія храмы Беларусі. — Менск, 2008. С. 32.

Літаратура[рэдагаваць | рэдагаваць крыніцу]

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі[рэдагаваць | рэдагаваць крыніцу]

[_afb9542109560ec3-1] а ^б https://heritage.gov.by/catalog/troitcki-kastcel-185

[2] Касьцёл Найсьвяцейшай Тройцы , Radzima.org

[3] Кулагін А. Каталіцкія храмы Беларусі. — Менск, 2008. С. 32.

[1]

[2]

[3]