Маштабны каэфіцыент

Маштабны каэфіцыент — лік, які паказвае, у колькі разоў адна велічыня большая за іншую. У раўнаньні $y=Cx$ канстанта $C$ ёсьць маштабным каэфіцыентам для $x$. $C$ таксама ёсьць канстантаю прапарцыйнасьці $y$ да $x$.

З пункту погляду геамэтрыі маштабны каэфіцыент роўны тангенсу кута нахілу прамой y(x) на графіку. Шырокае прымяненьне маштабны каэфіцыент атрымаў у розных галінах навукі: біялёгіі, фізыцы, касмалёгіі і г. д. У прыватнасьці, ён паказвае, наколькі адрозьніваюцца адлегласьці паміж астранамічнымі аб’ектамі ў пэўны момант часу.