Лука (Столінскі раён)
| Лука | |
| трансьліт. Luka | |
| Краіна: | Беларусь |
| Вобласьць: | Берасьцейская |
| Раён: | Столінскі |
| Сельсавет: | Глінкаўскі |
| Насельніцтва: | 323 чал. (2010) |
| Часавы пас: | UTC+3 |
| Тэлефонны код: | +375 1655 |
| Паштовы індэкс: | 225501 |
| Нумарны знак: | 1 |
| Геаграфічныя каардынаты: | 51°54′22.6″ пн. ш. 26°36′25.2″ у. д. / 51.906278° пн. ш. 26.607° у. д.Каардынаты: 51°54′22.6″ пн. ш. 26°36′25.2″ у. д. / 51.906278° пн. ш. 26.607° у. д. |
Лука на мапе Беларусі ±   Лука | |
Лука́[1] — вёска ў Столінскім раёне Берасьцейскае вобласьці, за 4 км на паўднёвы захад ад Глінкі, за 9 км на паўночны ўсход ад Гарадной, за 21 км на захад ад Століна, 225 км ад Берасьця, 24 км ад чыгуначнай станцыі Гарынь на лініі Лунінец — Сарны. Транспартныя сувязі па аўтадарозе Гарадная — Глінка. Уваходзіць у склад Глінкаўскага сельсавету.
Гісторыя[рэдагаваць | рэдагаваць крыніцу]
У XVII стагодзьдзі ўрочышча Луку сярод балота Марочнага ў мяшчан Гарадной набыў нячатаўскі войт Кігір[2]. Урочышча Лука згадваецца як уласнасьць мяшчан у інвэнтары мястэчка Гарадной 1747 року[3]. У 1899—1904 стараста мяшчанскае ўправы мястэчка Гарадной Есіп Андрэевіч Пешка праводзіў актыўнае асушэньне забалочаных земляў вакол мястэчка, у т. л. у Луцэ.
У 1909 фальварак Церабяжоўскае воласьці Пінскага павету Менскае губэрні, 1 двор, 5 жыхароў. Належаў Есіпу Пешку.
У 1921 року ў складзе Польшчы, фальварак Церабяжоўскае гміны Лунінецкага павету Палескага ваяводзтва, 1 двор, 3 жыхары. У 1920—1930-х, у сувязі зь перанаселенасьцю Гарадной, было праведзенае асушэньне земляў у Луцэ. Адбылася так званая «камасацыя», то бок нарэзка хутароў. На новыя землі пераехала багата сем’яў з Гарадной. Паводле мапы Польскага вайсковага геаграфічнага інстытуту ў 1925 — 30 двароў.
З 1939 году ў складзе БССР, вёска. Паводле перапісу 1959 году 472 жыхары. У Лукенскай школе ў 1958—1960 пачынаў працаваць настаўнікам фальклярыст Васіль Ліцьвінка.
У 1980 р. 646 жыхароў. Базавая школа, клюб, бібліятэка, фэльчарска-акушэрскі пункт, крама. На 1 студзеня 2002 р. 164 гаспадаркі, 435 жыхароў, у складзе калгасу «1 Мая»[4].
Насельніцтва[рэдагаваць | рэдагаваць крыніцу]
- 1999 год — 483 жыхары
- 2005 год — 158 гаспадарак, 403 жыхары[4]
- 2010 год — 323 жыхары
Крыніцы[рэдагаваць | рэдагаваць крыніцу]
- ^ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Менск: Тэхналогія, 2010. — 319 с. ISBN 978-985-458-198-9. (pdf, djvu, online) С. 265
- ^ НГАБ. Ф. 120, воп. 1, спр. 2921, арк. 3-23зв.
- ^ НГАБ. Ф. 27, воп. 6, спр. 54
- ^ а б Гарады і вёскі Беларусі. Энцыкл. Т. 4. Кн. 2. — Менск, 2007. С. 583.
Літаратура[рэдагаваць | рэдагаваць крыніцу]
- Гарады і вёскі Беларусі: Энцыклапедыя. Т. 4, кн. 2. Брэсцкая вобласць / рэдкал.: Г.П. Пашкоў (дырэктар) [і інш.]. — Менск: БелЭн, 2007. — 608 с.: іл. ISBN 978-985-11-0388-7.