Марк Нобл

Зьвесткі зь Вікіпэдыі — вольнай энцыкляпэдыі
(Перанакіравана з «Марк Нубл»)
Марк Нобл
Пэрсанальная інфармацыя
Нарадзіўся 8 траўня 1987(1987-05-08)[1][2] (36 гадоў)
Рост 180 см
Вага 76 кг
Пазыцыя паўабаронца
Клюбы
Гады Клюб Гульні (галы)¹
2004—2022
2006
2006
Ўэст Гэм Юнайтэд
Гал Сіці (арэнда)
Іпсўіч Таўн (арэнда)
478 (55)
5 (0)
13 (1)

Марк Джэймз Нобл (па-ангельску: Mark James Noble; нарадзіўся 8 траўня 1987 году, Лёндан, Ангельшчына) — былы ангельскі футбаліст, цэнтральны паўабаронца. Амаль усю сваю кар’еру правёў у шэрагах «Ўэст Гэм Юнайтэд», за які выступаў з 2004 па 2022 гады. Працяглы час быў капітанам дружыны. Мае на сваім рахунку выступы за юнацкія й моладзевыя зборныя Ангельшчыны.

Кар’ера[рэдагаваць | рэдагаваць крыніцу]

У дарослым футболе дэбютаваў у 2004 годзе выступамі за «Ўэст Гэм Юнайтэд», у якім правёў два сэзоны, першы чым быў аддадзены ў арэнду спачатку ў «Гал Сіці», а потым у «Іпсўіч Таўн». Абодва клюбы гулялі ў Чэмпіёншыпе, другім дывізіёне ангельскага футболу.

У склад клюбу «Ўэст Гэм Юнайтэд» вярнуўся на пачатку 2007 году й з новага сэзону стаў асноўным паўабаронцам каманды. 4 сакавіка 2007 году забіў свой першы гол у Прэм’ер-Лізе, адзначыўшыся ў матчы супраць «Тотэнгэм Готспуру», аднак клюб Марка ўсё ж трываў паразу зь лікам 3:4[3]. За зьменамі на трэнэрскай пасадзе клюбу Марк стала працягваў трапляць у асноўны склад клюбу й 21 сакавіка 2009 году ў гасьцявым матчы супраць «Блэкбэрн Ровэрз» правёў сваю 100 гульню за «малатабойцаў».

На сёньня зьяўляецца адзіным гульцом, які гуляе ва «Ўэст Гэм Юнайтэд» з 2004 году. У 2012 і 2014 гадох прызнаваўся найлепшым гульцом сэзону паводле вэрсіі заўзятараў клюбу.

Крыніцы[рэдагаваць | рэдагаваць крыніцу]

  1. ^ а б в Mark Noble // FBref.com (мн.)
  2. ^ а б в MARK NOBLE // Argentine Soccer Database (гішп.)
  3. ^ West Ham United v Tottenham Hotspur, 04 March 2007. www.11v11.com.

Вонкавыя спасылкі[рэдагаваць | рэдагаваць крыніцу]