Маства

Рака

Маства лац. Mastva
Льва на Прыпяцкім Палесьсі
Агульныя зьвесткі
Выток	Ракітнаўскі раён, Украіна
Вусьце	Сьцьвіга
Краіны басэйну	Беларусь , Украіна
Вобласьці	Ровенская вобласьць і Столінскі раён
Даўжыня	172 км
Сярэднегадавы сьцёк	10,1 м³/с
Плошча басэйну	2400 км²
Нахіл воднай паверхні	0,37 ‰
Галерэя здымкаў у Вікісховішчы

Маства́, у верхняй і сярэдняй плыні мае назву Льва (па-ўкраінску: Льва, Моства) — рака ў Ровенскай вобласьці Ўкраіны і ў Столінскім раёне Берасьцейскай вобласьці Беларусі, левы прыток ракі Сьцьвігі (басэйн Дняпра). Даўжыня 172 км (у межах Беларусі 80 км). Плошча вадазбору 2400 км² (на тэрыторыі Беларусі 800 км²). Выдатак вады ў вусьці 10,1 м³/с. Агульны спад ракі 64 м. Сярэдні нахіл воднай паверхні 0,37‰, у Беларусі 0,01%.

Асноўныя прытокі

• Правыя: Гнойніца (Украіна), Мышанка і Лесавая Рэчка (Беларусь)

Агульныя зьвесткі

Пачынаецца ў Ракітнаўскім раёне на вышыні 190 м над узроўнем мора. Цячэ нізінай Прыпяцкае Палесьсе, вусьце каля вёскі Кароцічы Столінскага раёну.

Даліна невыразная, у верхняй плыні месцамі трапэцападобная. Абалона двухбаковая (шырыня 0,3—5 км), пераважна забалочаная. Рэчышча ўмерана зьвілістае, разгалінаванае, у ніжняй плыні каналізаванае.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 242
• Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил.
• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971