Мікола Папека
| Мікола Папека | |
 На ўручэньні Мядовай прэміі (2005) | |
| Асабістыя зьвесткі | |
|---|---|
| Нарадзіўся | 28 сьнежня 1961 (62 гады) |
| Літаратурная дзейнасьць | |
| Род дзейнасьці | паэт |
| Жанр | вэрлібр |
| Прэміі | Гліняны вялес (1999) |
| Узнагароды | |
Міко́ла (Мікала́й Мікала́евіч) Папе́ка (28 сьнежня 1961, в. Турная, Івацэвіцкі раён Берасьцейскай вобласьці) — беларускі паэт, пчаляр.
Жыцьцяпіс
Нарадзіўся 28 сьнежня 1961 року ў вёсцы Турная Івацэвіцкага раёну. Скончыў Аляхновіцкую сярэднюю школу (1979), Сьмілавіцкі саўгас-тэхнікум (1981, па прафэсіі тэхніка-пчаляра), Украінскую сельскагаспадарчую акадэмію ў Кіеве (1981—1986, па спэцыяльнасьці заатэхніка-пчаляра).
З 1986 року жыве ў вёсцы Лінава Пружанскага раёну. Працаваў пчаляром у лясьніцтве, цяпер — на ўласнай гаспадарцы.
Заснавальнік штогадовай літаратурнай «Мядовай прэміі», пераможца якой штогод атрымоўвае пуд мёду.
Сябра Беларускага ПЭН-цэнтру, Саюзу беларускіх пісьменьнікаў[1].
Жанаты, з жонкай Сьвятланай (працуе настаўніцай) маюць двух сыноў.
Творчасьць
Вершы пачаў складаць у школьным узросьце, аднак усе яны былі страчаныя падчас навучаньня ў тэхнікуме. Друкаваўся ў часопісе «Крыніца», штотыднёвіку «Літаратура і мастацтва», абласной і раённай пэрыёдыцы.
У 1999 року у сэрыі «Берасьцейскае вогнішча» выйшаў ягоны першы зборнік вершаў «Чарнавікі…» з прадмовай Міколы Купрэева. За выхад кнігі аўтар выказаў падзяку сваім «двукрылым фундатарам» — пчолам[2]. У 2000 року за гэты зборнік Мікола ўзнагароджаны прэміяй «Гліняны вялес-99».
Бібліяграфія
- Мікола Папека. Чарнавікі…. — Берасьце: Брэсцкая друкарня, 1999. — 92 с. — (Берасьцейскае вогнішча). — 300 ас. — ISBN 985-6413-40-0
Крыніцы і заўвагі
- ^ Папека Мікалай Мікалаевіч Сябры СБП. Саюз беларускіх пісьменьнікаў. Праверана 13 студзеня 2012 г.
- ^ Алесь Аркуш. Пчала ўчапілася ў верас // Наша Ніва. — ліпень 2000.
Літаратура
- Здановіч І. Рупліўцы беларускага нацыянальнага адраджэньня з Пружаншчыны: Грамадска-літаратурны даведнік. — Пружаны: 2003. — 144 с.
Вонкавыя спасылкі
Мікола Папека — сховішча мультымэдыйных матэрыялаў