Міт

Зьвесткі зь Вікіпэдыі — вольнай энцыкляпэдыі
Тэсэй, які забівае Мінатаўра, і Атэна. 425—410 рр. да н. э. Нацыянальны археалягічны музэй, Мадрыд

Міт (па-грэцку: μυθοζ — «слова», «сказ (расказ)», «паданьне») — сакральнае апавяданьне, зьмест якога ўвасоблены ў пэўным вобразе (міталягічны вобраз), і мае сымбалічны характар.

Міты былі вядомыя яшчэ ў Старажытнае Грэцыі, дзе так называлі сказы пра багоў і герояў. Вывучэньне мітаў вялося практычна з часоў антычнасьці, а навуковым вывучэньнем мітаў з XIX—XX стагодзьдзяў займаецца міталёгія.

Карл Густаў Юнг сьцьверджваў, што міт — гэта форма калектыўнае сьвядомасьці.