Міхаіл Орда

Зьвесткі зь Вікіпэдыі — вольнай энцыкляпэдыі
Міхаіл Орда
Дэпутат Палаты прадстаўнікоў Нацыянальнага сходу Рэспублікі Беларусь
2000 — 2012
Прэзыдэнт: Аляксандар Лукашэнка
Прэм’ер-міністар: Уладзімер Ярмошын (да 1 лістапада 2001), Генадзь Навіцкі (да 10 ліпеня 2003), Сяргей Сідорскі (да 28 сьнежня 2010), Міхаіл Мясьніковіч
1-ы сакратар Беларускага рэспубліканскага саюзу моладзі
25 сакавіка 2003 — 1 жніўня 2006
Наступнік: Ігар Бузоўскі
Сташыня Фэдэрацыі прафсаюзаў Беларусі
2014 — 2024
Папярэднік: Леанід Козік
Наступнік: Юры Сянько
Дэпутат Палаты прадстаўнікоў Нацыянальнага сходу Рэспублікі Беларусь
2024 — цяперашні час
Прэм’ер-міністар: Раман Галоўчанка
Асабістыя зьвесткі
Нарадзіўся: 28 верасьня 1966(1966-09-28) (57 гадоў)
Дзеці: Сын і дачка
Бацька: Сяргей Орда
Адукацыя: Віцебскі вэтэрынарны інстытут, Расейская акадэмія дзяржаўнай службы
Узнагароды:
Мэдаль «За працоўныя заслугі»
Мэдаль «За працоўныя заслугі»
Вікіпэдыя мае артыкулы пра іншых асобаў з прозьвішчам Орда.

Міхаі́л Сярге́евіч О́рда (нар. 28 верасьня 1966, Зьдзецел, Гарадзенская вобласьць) — беларускі грамадзкі і палітычны дзяяч.

Біяграфія[рэдагаваць | рэдагаваць крыніцу]

Скончыў Віцебскі вэтэрынарны інстытут па спэцыяльнасьці вэтэрынарны лекар; Расейскую акадэмію дзяржаўнай службы пры прэзыдэнце Расейскае Фэдэрацыі па спэцыяльнасьці дзяржаўнае і муніцыпальнае кіраваньне.

Працоўную дзейнасьць пачаў сьлесарам у калгасе «Расея» Зьдзецельскага раёну. Служыў у радах Узброеных Сіл. Быў кіраўніком абласнога штабу студэнцкіх аддзелаў Віцебскае вобласьці, дырэктарам абласное службы добраахвотнае працы моладзі, прэзыдэнтам Рэспубліканскае асацыяцыі міжнародных моладзевых абменаў і турызму, другім сакратаром Цэнтральнага камітэту грамадзкага аб’яднаньня «Беларускі патрыятычны саюз моладзі» (да 2001).

27 сакавіка 2001 году вызвалены ад пасады другога сакратара ЦК Беларускага патрыятычнага саюза моладзі (вакансію заняў Аляксандар Далжэўскі) у сувязі зь пераходам на сталую працу дэпутатам Палаты прадстаўнікоў Нацыянальнага сходу Рэспублікі Беларусь II скліканьня.

25 сакавіка 2003 году быў абраны першым сакратаром ЦК Беларускага рэспубліканскага саюза моладзі. 1 жніўня 2006 сышоў з паста кіраўніка БРСМ.

Дэпутат Палаты прадстаўнікоў Нацыянальнага сходу Рэспублікі Беларусь 2-га (2000—2004) па Лідзкай сельскай выбарчай акрузе № 57 і 3-га скліканьняў (2004—2008). Абодва разы — намесьнік старшыні Сталае камісіі па дзяржаўным будаўніцтве, мясцовым самакіраваньні й рэглямэнце. У 2008 абраны ў Палату Прадстаўнікоў 4-га скліканьня.

З 2014 па 2024 гады узначальваў Фэдэрацыю прафсаюзаў Беларусі[1]. У 2016—2019 гадах быў членам Савета Рэспублікі 6-га скліканьня[2]. На прэзідэнцкіх выбарах 2015 і 2020 гадоў узначальваў ініцыятыўную групу Аляксандра Лукашэнкі[3]. У 2024 годзе па выніках выбараў стаў дэпутатам парлямэнту 8-га скліканьня[4].

Узнагароды[рэдагаваць | рэдагаваць крыніцу]

Узнагароджаны падзякай прэзыдэнта Рэспублікі Беларусь, Ганаровай граматай Адміністрацыі прэзыдэнта Рэспублікі Беларусь, Ганаровай граматай Палаты прадстаўнікоў Нацыянальнага сходу Рэспублікі Беларусь. 6 траўня 2022 году атрымаў мэдаль «За працоўныя заслугі», які ўручыў кіраўнік Адміністрацыі прэзыдэнта Беларусі Ігар Сергяенка[5].

Сям’я[рэдагаваць | рэдагаваць крыніцу]

Жанаты, мае сына, дачку.

Крытыка, санкцыі ЭЗ[рэдагаваць | рэдагаваць крыніцу]

Паводле справаздачы, падрыхтаванай Польскім фондам свабоды й дэмакратыі, Міхаіл Орда прымаў удзел у фальсыфікацыі парлямэнцкіх і прэзыдэнцкіх выбараў, а таксама супрацоўнічаў з Камітэтам дзяржаўнай бяьспекі па пытаньнях палітычных рэпрэсіяў[6].

Пасьля прэзыдэнцкіх выбараў 2010 году, 2 лютага 2011 году быў унесены ў Чорны сьпіс Эўразьвязу за ўдзел у меркаваных падлогах ды парушэньнях правоў чалавека[7].

20 лістапада 2020 году ўнесены ў санкцыйныя сьпісы Летувы, Латвіі ды Эстоніі[8].

Крыніцы[рэдагаваць | рэдагаваць крыніцу]

  1. ^ Павел Абрамович (2024-04-05) В Беларуси избран новый глава Федерации профсоюзов – что о нем известно (рас.) Точка BY(be)
  2. ^ Шестой созыв (рас.) [Савет Рэспублікі Нацыянальнага сходу Рэспублікі Беларусь]] Архіўная копія ад 2021-03-02 г.
  3. ^ ПЕЧАЛЬ СВЕТЛА (1)
  4. ^ ЦИК подвел итоги парламентских выборов – кто победил (рас.) Точка BY(be)
  5. ^ Сергяенка ўручыў дзяржузнагароды прадстаўнікам розных сфэр за разьвіцьцё беларускай дзяржаўнасьці // Беларускае тэлеграфнае агенцтва, 6 траўня 2022 г. Праверана 6 траўня 2022 г.
  6. ^ Беларуская сыстэма рэпрэсіяў. Перасьледнікі ды іх ахвяры = Białoruski system represji. Prześladowcy i ich ofiary / pod redakcją dr Dariusza Zalewskiego, Marka Bućko(pl), Michała Kurkiewicza i Tomasza Pisuli. — Warszawa: Fundacja Wolność i Demokracja, 2007. — С. 45. — 72 с.
  7. ^ Поўны спіс 208 беларускіх чыноўнікаў, якім забаронены ўезд у ЕС (бел.). Наша Ніва (2011-10-11). Архіўная копія ад 2017-10-22 г.
  8. ^ Литва, Латвия и Эстония расширили санкционные списки беларусских чиновников reform.by Праверана 2021-09-05 г.

Вонкавыя спасылкі[рэдагаваць | рэдагаваць крыніцу]

Атрымана з «https://be-tarask.wikipedia.org/w/index.php?title=Міхаіл_Орда&oldid=2501846»