Нараўка (гміна)

Зьвесткі зь Вікіпэдыі — вольнай энцыкляпэдыі
Гміна Нараўка
Gmina Narewka
Агульныя зьвесткі
Краіна Польшча Польшча
Ваяводзтва Падляскае
Павет Гайнаўскі
Статус Вясковая гміна
Сядзіба Нараўка
Дата ўтварэньня 1920 (як гміна Масева)
Войт Мікола Паўліч
Афіцыйныя мовы польская, беларуская
Мовы ва ўжытку польская, беларуская
Насельніцтва (2011) 3898[1]
Шчыльнасьць 11,48 чал./км²
Плошча 339,48 км²
TERYT 2005092
Мапа Гміны Нараўкі
Гміна Нараўка, мапа
Мэдыя-зьвесткі
Часавы пас +1
Летні час +2
Тэлефонны код 85
Код аўтам. нумароў BHA
Афіцыйны сайт
   Дадатковыя мультымэдыйныя матэрыялы


Гміна Нараўка (па-польску: Gmina Narewka) — сельская гміна ў Гайнаўскім павеце Падляскага ваяводзтва Польшчы.

Адміністрацыйны цэнтар — вёска Нараўка.

На паўднёвым ўсходзе гміна Нараўка мяжуе з гмінай Белавежа, на паўднёвым захадзе і захадзе — зь гмінай Гайнаўка Гайнаўскага павету, на поўначы — з гмінай Міхалова Беластоцкага павету, а на ўсходзе — з Сьвіслацкім раёнам Гарадзенскай вобласьці (Беларусь).

З 16 чэрвеня 2009 году беларуская мова мае ў гміне статус дапаможнай мовы.

Гісторыя[рэдагаваць | рэдагаваць крыніцу]

Абшар сёньняшняй гміны Нараўка засяляўся з раньняга сярэднявечча ўсходнімі славянамі ды балтамі. Войны спынілі асадніцтва ў гэтым раёне і месца паноўна зарасло лесам. У 15-16 ст. большую частку земляў паміж ракамі Нараўка і Нараў займала пушча з адміністрацыйным цэнтрам у Воўпе. На пачатку 16 ст. было створанае ялоўскае стараства з цэнтрам у Ялаўцы, што паспрыяла разьвіцьцю асадніцтва на поўдзень ад Нарві. Абшар сёньняшняй гміны Нараўка быў выдзеляны зь вялікакняжацкіх валоданьняў і праўдападобна пад канец 16 ст. пераданы князям Масальскім. Ставрылі яны тут добра нараўкоўскія з 4 цэнтрамі ў Старым Ляўкове, Гарадзіску, Семяноўцы ды Луцы (усе гэтыя вёскі ў пеўны час атрымоўвалі падвойныя назвы з дадаткам Нараўка). Напрацягу 18 ст. нараўкоўскі ключ сямя Масаьльскіх распрадавала іншым уладальнікам. У канцы 18 ст. закончыўся працэс засяленьня нараўкоўскага ключа. Адміністарцыйна землі прыналежалі галоўным чынам да Ваўкавыскага павету Наваградзкага ваяводзтва ВКЛ. Нараўкоўскія добра мяжавалі з Белавескай пушчай ды Падляскім ваяводзтвам. Пасьля падзелаў Рэчы Паспалітай абшар апынуўся ў складзе Пружанскага ды Ваўкавыскага паветаў Гарадзенскай губэрніі. Пасьля Першай сусьветнай вайны праз абшар сёньняшняй гміны Нараўка праходзіла мяжа паміж Бельскім (гміна Масева з цэнтрам у Нараўцы) ды Ваўкавыскім (гміна Тарнаполь з цэнтрам у Луцы) паветамі Беластоцкага ваяводзтва[2].

Крыніцы[рэдагаваць | рэдагаваць крыніцу]

  1. ^ Ludność. Stan i struktura demograficzno-społeczna - NSP 2011 (пол.) Portal Informacyjny. Główny Urząd Statystyczny. Праверана 4 траўня 2015 г.
  2. ^ Асадніцтва (пол.) Zalew Siemianówka i jego okolice Праверана 2 красавіка 2015 г.