Нікадзім Сілівановіч

Нікадзім Сілівановіч
	Нікадзім Сілівановіч
Імя пры нараджэньні	Нікадзім Юр’евіч Сілівановіч
Дата нараджэньня	25 сьнежня 1834
Месца нараджэньня	в. Цынцавічы; Вялейскага раёну
Дата сьмерці	1918 альбо 1919
Месца сьмерці	Цынцавічы, Вялейскі павет, Заходняя вобласьць або ; Вялейка, Вялейскі павет, Заходняя вобласьць;
Адукацыя	Пецярбурская акадэмія мастацтваў
Месца вучобы	Імпэратарская акадэмія мастацтваў[d] (1863);
Занятак	партрэт,; мазаіка
Навуковая сфэра	малярства
Плынь	акадэмізм,; рэалізм
Працы	«Партрэт габрэя»,; «Пацалунак Юды»
Узнагароды
	Нікадзім Сілівановіч у Вікісховішчы

Нікадзім Сілівановіч (па-расейску: Никодим Силиванович; 25 сьнежня 1834 — 1918 ці 1919) — беларускі й расейскі мастак, акадэмік Пецярбурскай акадэміі мастацтваў.

Жыцьцяпіс[рэдагаваць | рэдагаваць крыніцу]

Будучы мастак нарадзіўся ў сям’і селяніна й, нягледзячы на цяжкасьці паходжаньня, атрымаў агульную адукацыю ў павятовай пяцікляснай вучэльні ў Маладэчна. Невядома асоба мастака, які падрыхтаваў Нікадзіма дзеля наступнага навучаньня, але неўзабаве ў 1859 годзе ён паступіў у Пецярбурскую Імпэратарскую акадэмію мастацтваў, дзе спэцыялізаваўся на партрэтным жывапісе. Праз чатыры гады Сілівановіч атрымаў званьне вольнага мастака, пасьля чаго вярнуўся ў родную вёску.

Адсутнасьць попыту на працы мастака прымусіла Сілівановіча зьвярнуцца да царкоўнага жывапісу. У 1864 годзе ён быў запрошаны Лідзкім павятовым праўленьнем для аздабленьня праваслаўных храмаў павету. Пэўны час пісаў абразы й партрэты царкоўнікаў. Мажліва, што ў гэты час ім быў напісаны абраз з выявай Аляксандра Неўскага — 1864 год, месца знаходжаньня невядома^[1].

Увесь час Сілівановіч адчувае патрэбу ва ўдасканаленьні прафэсійнага майстэрства, і ў 1870 годзе вяртаецца ў акадэмію, дзе натхнёна пачынае вучобу ў клясе мазаікі. Неўзабаве ён атрымлівае званьне кляснага мастака II ступені й прызначаецца малодшым мастаком акадэміі, празь некаторы час яму прысуджаецца I ступень.

Таленавітага мастака заўважыў Брулоў, які й прапанаваў Сілівановічу прыняць удзел у стварэньні мазаікі «Тайная вячэра» ў галоўным іканастасе Ісакіеўскага сабору ў Пецярбургу.

25 сьнежня 2009 году ў вёсцы Цынцавічы, на радзіме мастака, была ўсталяваная мэмарыяльная дошка — яна стала своеасаблівым падарункам мастаку ў гонар 175 гадоў з дня нараджэньня^[1].

Творы[рэдагаваць | рэдагаваць крыніцу]

Карціны мастака знаходзяцца па ўсім сьвеце, большая частка ў Летуве. Адна зь іх — «Салдат з хлопчыкам» — знаходзіцца ў Нацыянальным мастацкім музэі Беларусі. Яшчэ адна — «У цямніцы» — захоўваецца ў карпаратыўнай калекцыі Белгазпрамбанка ў Менску^[2].