Падбор (баскетбол)

Зьвесткі зь Вікіпэдыі — вольнай энцыкляпэдыі

Падбор (па-ангельску: rebound) — найважнейшы элемэнт пры гульні ў баскетбол, падчас якога гулец забірае мяч пасьля няўдалай спробы двух- або трохпунктавага кідка супраціўніка ці пасьля няўдалага апошняга штрафнога кідка. Лічыцца, што каманда, якая ажыцьцяўляе больш падбораў, часьцей за ўсё выйграе матч. У асноўным, падборы выконвае пярэдняя лінія каманды — выскокія цэнтравыя і цяжкія форварды. Але гульцы невялікага росту таксама могуць рабіць падборы. Каб падбіраць мяч, трэба валодаць добрым пачуцьцём пазыцыі і часу. Адрозьніваюць некалькі відаў падбораў:

  • падбор ў нападзеньні, на чужым шчыце па-ангельску: offensive rebound
  • падбор ў абароне, на сваім шчыце па-ангельску: defensive rebound
  • калектыўны падбор

Для пасьпяховага падбору гульцу неабходна заступіць супраціўніку шлях да кальца каб выйграць падбор (па-ангельску: box out). Патрэбна заняць пазыцыю паміж кошыкам і супраціўнікам. Чым бліжэй гулец знаходзіцца да кошыка і чым далей ад кошыка будзе супраціўнік, тым лягчэй авалодаць адскокам. Вельмі важна дакладна разьлічыць момант скачку. Мяч трэба злавіць ў вышэйшай кропцы скачку. Калі мяч будзе яшчэ на кальцы, гулец які дасягне вышэйшай кропкі скачка ня зможа ім авалодаць. Пры спробе злавіць мяч неабходна дзейнічаць рашуча, трэба няпроста працягнуць рукі да мяча, але і зафіксаваць яго трывала і надзейна. Як толькі мяч злоўлены, рэкамэндуецца рассунуць локці і ногі ў бакі, каб супраціўнік ззаду ня змог да яго дацягнуцца. Калі ён усё ж паспрабуе гэта зрабіць, то яму давядзецца парушыць правілы. Рэкамэндуецца пасьля падбору не пераходзіць на вядзеньне мяча каля шчыта, так як супраціўнік можа лёгка яго адабраць і, паколькі ён знаходзіцца побач з кошыкам, зрабіць выніковы кідок. Пажаданая хутка перадаць чяс партнэру[1].

Глядзіце таксама[рэдагаваць | рэдагаваць крыніцу]

Крыніцы[рэдагаваць | рэдагаваць крыніцу]