Паказьнік адмоваў

Зьвесткі зь Вікіпэдыі — вольнай энцыкляпэдыі

Паказьнік адмоваў (па-ангельску: bounce rate — [баўнс рэйт]) — тэрмін у вэб-аналітыцы й інтэрнэт-маркетынгу, які пазначае адсоткавыя суадносіны колькасьці наведнікаў, якія пакінулі сайт непасрэдна са старонкі ўваходу або праглядзелі ня больш за адну старонку сайту.

Вызначэньне[рэдагаваць | рэдагаваць крыніцу]

Паказьнік адмоваў — адсотак ад агульнай колькасьці наведваньняў, у рамках якіх адбылося ня больш за адзін прагляд старонкі. Паказьнік адмоваў ня варта блытаць з паказьнікам выхадаў (па-ангельску: exit rate — [экзіт рэйт]), які толькі паказвае колькасьць наведваньняў, завершаных на пэўнай старонцы сайту.

Для таго, каб зразумець, што ёсьць паказьнік адмоваў, трэба даць вызначэньне панятку «адмова» ў вэб-аналітыцы. Адмова — гэта візыт, падчас якога наведнік, які зайшоў на сайт, прагледзеў толькі адну старонку, ня зьдзейсьніўшы пры гэтым пераходу на іншую старонку да часу заканчэньня сэсіі.

Агульнапрынятага стандарту мінімальнай або максымальнай колькасьці часу, які наведнік павінен правесьці на сайце перш, чым выйсьці, каб адбылася адмова, не існуе. Працягласьць сэсіі вызначаецца прамежкам часу паміж першым і апошнім праглядам у сэсіі.

Прычынамі адмовы могуць быць:

  • Сыход з вашага сайта па пераходзе па спасылцы
  • Закрыцьцё акна або ўкладкі браўзэра
  • Увод новага URL ў адрасны радок або пераход па закладцы ў браўзэры
  • Націск кнопкі «Назад» для вяртаньня да пошукавай выдачы
  • Заканчэньне часу сэсіі

Паказьнік адмоваў можна вылічыць па наступнай формуле:

дзе

  • Rb = Паказьнік адмоваў
  • Tv = Колькасьць наведнікаў, якія прагледзелі адну старонку (колькасць адмоваў)
  • Te = Колькасьць праглядаў старонкі

Уплывовыя чыньнікі[рэдагаваць | рэдагаваць крыніцу]

  • Pop-up блёкі, рэклама, што ўсплывае, самаўзнаўляльнае відэа і/або аўдыё-кантэнт
  • Складаны ў пляне юзабіліці дызайн сайту
  • Хуткасьць загрузкі старонкі
  • Выходныя спасылкі
  • Тэматыка сайта.
  • Від трафіку (пошукавы, рэклямны, прамы, рэфэральны і да т. п.)

Паказьнік адмоваў і падзеі[рэдагаваць | рэдагаваць крыніцу]

Падзеі — дзеяньні на старонцы, якія не прыводзяць да перазагрузкі старонкі. Выкананьне падзеі не залічваецца як адмова сыстэмай Google Analytics. Падзеі можна прымяніць да:

  • Прагляд павялічаных вэрсіяў ілюстрацыі
  • Фокус на палях формы (увод дадзеных у полі формаў)
  • Адкрыцьцё ўсплываючых блёкаў (падказак і г. д.)
  • Пераход між табамі (часткамі ў блёку апісаньня)

Для адсочваньня падзеяў неабходна перайначыць код старонкі.