Палескі дзяржаўны ўнівэрсытэт
| Палескі ўнівэрсытэт | |
 | |
 Лягатып | |
| Заснаваны | 5 красавіка 2006 (18 гадоў таму) |
|---|---|
| Тып | урадавы |
| Рэктар | Канстанцін Шабека |
| Факультэтаў | 5 |
| Колькасьць студэнтаў | 3718 (2013) |
| Месцазнаходжаньне | |
| Геаграфічныя каардынаты | 52°6′49″ пн. ш. 26°6′46″ у. д. / 52.11361° пн. ш. 26.11278° у. д.Каардынаты: 52°6′49″ пн. ш. 26°6′46″ у. д. / 52.11361° пн. ш. 26.11278° у. д. |
| Горад | Пінск |
| Вобласьць | Берасьцейская |
| Краіна | Беларусь |
| Кампус | гарадзкі |
| Знаходзіцца ў складзе | Міністэрства адукацыі Рэспублікі Беларусь |
| Вэб-сайт | polessu.by |
| Палескі ўнівэрсытэт на мапе Беларусі   Палескі ўнівэрсытэт | |
Пале́скі дзяржа́ўны ўнівэрсытэ́т (ПалесДУ) — вышэйшая навучальная ўстанова Пінску (Берасьцейская вобласьць, Беларусь), заснаваная ў красавіку 2006 году на аснове Пінскага дзяржаўнага вышэйшага банкаўскага каледжу і мясцовага філіялу Беларускага дзяржаўнага эканамічнага ўнівэрсытэту (Менск).
Да 2 красавіка 2013 году падпарадкоўваўся Нацыянальнаму банку Рэспублікі Беларусь. На 2015 г. ажыцьцяўляў дзённае і завочнае навучаньне, у тым ліку магістрантаў і асьпірантаў. На 2013 г. у ВНУ навучаліся 3718 студэнтаў, у тым ліку 2546 (69%) на дзённай форме. Мае 3 навучальныя корпусы і 5 студэнцкіх гуртажыткаў.
Факультэты[рэдагаваць | рэдагаваць крыніцу]
На 2015 г. унівэрсытэт меў 5 факультэтаў, у тым ліку даўнівэрсытэцкай падрыхтоўкі.
- Арганізацыі здаровага ладу жыцьця. Заснаваны 7 траўня 2007 году. Месьціцца ў корпусе № 3 (вул. Пушкіна, д. 4). Выпускае спартовых трэнэраў. Мае 3 катэдры: 1) агульнай і клінічнай мэдыцыны, 2) аздараўленчай і адаптыўнай фізычнай культуры, 3) фізычнай культуры і спорту.
- Банкаўскай справы. Месьціцца на вул. Кірава, д. 24. Рыхтуе аўдытараў, банкаўскіх службоўцаў, рахункаводаў і сыстэміных адміністратараў. Улучае 5 катэдраў: 1) банкаўскай справы; 2) бухгальтарскага ўліку, аналізу і аўдыту; 3) вышэйшай матэматыкі і інфармацыйных тэхналёгіяў; 4) замежных моваў; 5) фінансаў.
- Біятэхналягічны. Месьціцца ў корпусе № 3. Рыхтуе жывёлаводаў, расьлінаводаў і рыбаводаў. Мае 4 катэдры: 1) біялёгіі, 2) біятэхналёгіі, 3) ляндшафтнага праектаваньня, 4) прамысловага рыбаводзтва і рыбаперапрацоўкі.
- Эканамічны. Месьціцца на вул. Кулікава, д. 27. Выпускае маркетолягаў, мэнэджараў, турыстычных гідаў і эканамістаў. Мае 6 катэдраў: 1) гуманітарных навук, філязофіі і права; 2) мэнэджмэнту і маркетынгу; 3) турызму і гасьціннасьці; 4) эканамічнай тэорыі; 5) эканомікі і арганізацыі вытворчасьці ў аграпрамысловым комплексе; 6) эканомікі і арганізацыі прамысловай вытворчасьці.
Рэктары[рэдагаваць | рэдагаваць крыніцу]
- Канстанцін Шабека (2006 — 11 сакавіка 2021)
- Валеры Дунай (з 11 сакавіка 2021 году)[1]
Выпускнікі[рэдагаваць | рэдагаваць крыніцу]
- Аляксандар Зімоўскі — беларускі журналіст
Крыніцы[рэдагаваць | рэдагаваць крыніцу]
- ^ Марыя Дадалка. Аляксандар Лукашэнка разгледзеў кадравыя пытаньні // Газэта «Зьвязда», 11 сакавіка 2021 г. Праверана 11 сакавіка 2021 г.
Вонкавыя спасылкі[рэдагаваць | рэдагаваць крыніцу]
- Каталёг бібліятэкі(недаступная спасылка) (рас.)