Плішчын

Возера Плішчын Панарама Плішчыну Паўднёвы бераг Краіна Беларусь Плошча 0,12—0,17 км² Найбольшая даўжыня 1,6 км Найбольшая шырыня 0,17 км Даўжыня берагавой лініі 3,75 км Вышыня над узроўнем мора 123 м Каардынаты 52°5′36″ пн. ш. 27°58′46″ у. д. Плішчын на мапе Беларусі Плішчын

Галерэя здымкаў у Вікісховішчы

Плі́шчын — возера ў Жыткавіцкім раёне Гомельскай вобласьці. Знаходзіцца за 15 км на паўднёвы ўсход ад Жыткавічаў і за 2 км на поўнач ад вусьця ракі Скрыпіцы. Належыць да басэйну Прыпяці, у пойме якой месьціцца. Ляжыць у заходняй частцы нацыянальнага парку Прыпяцкі.

Апісаньне

Разьмешчана каля ўрочышча Бараўская Дача. Зьяўляецца возерам старычнага тыпу, выцягнутае з захаду на ўсход. Берагі часткова забалочаныя, часткова пад лесам і хмызьняком. На поўначы ад возера знаходзіцца лясны масіў. Ёсьць невялікі востраў у заходняй частцы. На поўдні злучаецца пратокамі з двума безыменнымі азёрамі, таксама злучанае пратокай з возерам Мута.

Флёра і фаўна

У возеры сустракаюцца шчупакі, ляшчы, язі, карасі, ліні і іншыя віды.

У раёне возера адзначаны від расьлінаў расіца прамежкавая, занесеная ў Чырвоную кнігу Рэспублікі Беларусь.

Панарама возера з паўднёвага берагу

Вонкавыя спасылкі

Плішчын — сховішча мультымэдыйных матэрыялаў