Рагвалод Полацкі і Рагнеда (манэта)

Манэта «Рагвалод Полацкі і Рагнеда», 20 рублёў, рэвэрс

Манэта «Рагвалод Полацкі і Рагнеда», 20 рублёў, авэрс

Памятная манэта «Рагвалод Полацкі і Рагнеда» — беларускія юбілейныя манэты Нацыянальнага банку Беларусі ўведзеныя ў абарачэньне 9 лістапада 2006 году. Манэты выбіты са срэбра — наміналам 20 рублёў і медна-нікеля — 1 рубель.

Манэта ўваходзіць у сэрыю Умацаваньне і абарона дзяржавы.

Наміналы

Срэбраная

• проба срэбра: 925
• намінал: 20 рублёў
• вага манэты: 33.62 г
• вага чыстага срэбра: 31.1 г
• дыямэтар: 38.61 мм
• якасьць: «пруф»
• наклад: 5000 асобнікаў
• кошт продажу ў НББ — 95 340 руб. бяз футляру

Медна-нікелевая

• намінал: 1 рубель
• вага манэты: 15.5 г
• дыямэтар: 33 мм
• якасьць: «пруф-лайк»
• наклад: 5000 асобнікаў
• кошт продажу ў НББ — 7 910 руб. бяз футляру

Апісаньне

Манэта мае выгляд круга, рант манэты мае рыфленьне.

• Авэрс: пасярэдзіне: рэканструкцыя крэпасьці ў Заслаўлі, за часамі Рагнеды; згары — выява дзяржаўнага гербу Беларусі, па колу надпіс «РЭСПУБЛІКА БЕЛАРУСЬ»; долу зьмешчаны год біцьця, справа для срэбра — проба, надпіс долу — «20 РУБЛЁЎ» на срэбранай і «1 РУБЕЛЬ» — на медна-нікелевай.
• Рэвэрс: рэльефная выява Рагвалода Полацкага і Рагнеды; справа выява старажытнай ладзьдзі, справа па колу надпіс «Рагвалод Полацкі ° Рагнеда» і гады іх кіраваньня «970–980» і «985–989».

Дызайн

• Сьвятлана Заськевіч

Мынца

• ЗАТ «Летувіская мынца», Вільня.

Вонкавыя спасылкі

• Нацыянальны банк Рэспублікі Беларусі