Рэйнджарз Глазга

Зьвесткі зь Вікіпэдыі — вольнай энцыкляпэдыі
Перайсьці да: навігацыі, пошуку
Рэйнджарз
Rangers.png
Поўная назва Rangers Football Club
Мянушкі The Gers, Teddy Bears, Light Blues
Заснаваны Сакавік, 1872
Горад Глазга, Шатляндыя
Стадыён Айбракс
Умяшчальнасьць: 50 987
Прэзыдэнт Алястэйр Джонстан
Галоўны трэнэр Алі Макойст
Чэмпіянат Чэмпіянат прафэсійнай лігі
 · 2013—2014 Першая ліга,
Green Arrow Up Darker.svg 1 месца
Хатнія колеры
Выязныя колеры

Рэйнджарз (па-ангельску: Rangers Football Club) ― шатляндзкі футбольны клюб з Глазга, гуляе ў чэмпіянаце прафэсійнай лігі. Клюб мае мянушкі the Gers, Teddy Bears і, акрамя таго, Light Blues. Часам клюб называюць Глазга Рэйнджарз, але слова Глазга ніколі не прысутнічала ў афіцыйным назове клюбу[1]. Хатнія гульні праводзіць на стадыёне «Айбракс», які зьмяшчае 50,987 гледача, стадыён знаходзіцца ў паўднёва-заходняй частцы Глазга.

Рэйнджарз 54 разы перамагаў у нацянальным чэмпіянаце: больш, чым хто-небудзь зь іншых клюбаў у сьвеце. 27 разоў станавіўся ўладальнікам кубку Лігі Шатляндыі, больш чым хто-небудзь у Шатляндыі, і 33 разы перамагаў у кубку Шатляндыі. У 1961 годзе «Джарз» дайшоў да фіналу Кубку ўладальнікаў Кубкаў, стаўшы такім чынам першым брытанскім клюбам дасягнуўшым фіналу эўрапейскіх кубкаў. У 1967 годзе клюб зноўку патрапіў у фінал таго ж самага кубка, але таксама атрымаў паразу. І толькі ў 1972 годзе гэты трафэй знайшоў сваё месца ў клюбнай калекцыі. Акрамя таго ў 2008 годзе клюб дайшоў да фіналу Кубка УЭФА.

Клюб традыцыйна падтрымліваецца пратэстантамі й прыхільнікамі ўніі з Ангельшчынай (юніяністы). Галоўным супернікам клюбу зьяўляецца «Сэлтык», тандэм двух клюбаў вядомы як Старая Фірма (Old Firm), гульні паміж гэтымі камандымі маюць назоў ― дэрбі Глазга.

Гісторыя[рэдагаваць | рэдагаваць крыніцу]

Чацьвёра заснавальнікаў клюбу ― браты Мойзэс і Пітэр Макнэйл, Пітэр Кэмпбэл і Ўіліям Макбіт ― стварылі футбольную каманду й далі ёй назоў па першым ўбачаным назове ў кніжцы[2]. У траўні таго ж году прайшла першая гульня клюбу супраць каманды Callander F.C. на грамадзкім пляцы Glasgow Green, гульня скончылася зь лікам 0:0. Афіцыйнай датай заснаваньня клюбу лічыцца 15 ліпеня 1873 году, калі клюб правёў свой першы штогадовы сход. У 1877 клюб дайшоў да фіналу Кубка Шатляндыі. Першае ў гісторыі дэрбі Старой Фірмы сталася ў 1888, у год заснаваньня «Сэлтыку». «Рэйнжарз» атрымалі паразу зь лікам 5:2. У сэзоне 1890―1891 гадоў Джарз стаў адным зь дзесяці ўдзельнікаў сфармаванай шатляндзкай футбольнай лігі. К гэтаму часу Рэйнжарз ужо гуляў на Айбракс.

Ня здолеўшы атрымаць пагадненьня з крэдыторамі 14 чэрвеня 2012 году клюб быў вымушаны пачаць працэс банкруцтва[3]. Ягоныя актывы былі прададзеныя новай кампаніі, Sevco Scotland Ltd, якая ў далейшым была перайменаваная ў Rangers Football Club Limited[4]. Пасьля клюб быў зноўку далучаны да Шатляндзкай футбольнай асацыяцыі, прыняўшы шэраг ўмоваў, як то аднагадовую забарону на трансфэры. Заяўка на ўдзел у Шатляндзкай Прэм’ер-лізе была адхіленая[5], у дадатак да гэтага было вырашына разьмясьціць Рэйнджарз у ніжэйшым дывізіёне на пачатку сэзону 2012―2013 гадоў, а ня ў першы дывізіён, як спачатку плянавался[6].

Дасягненьні[рэдагаваць | рэдагаваць крыніцу]

  • Чэмпіён Шатляндыі: 54
    • 1891, 1899, 1900, 1901, 1902, 1911, 1912, 1913, 1918, 1920
    • 1921, 1923, 1924, 1925, 1927, 1928, 1929, 1930, 1931, 1933
    • 1934, 1935, 1937, 1939, 1947, 1949, 1950, 1953, 1956, 1957
    • 1959, 1961, 1963, 1964, 1975, 1976, 1978, 1987, 1989, 1990
    • 1991, 1992, 1993, 1994, 1995, 1996, 1997, 1999, 2000, 2003
    • 2005, 2009, 2010, 2011
  • Уладальнікі Кубка Шатляндыі: 33
    • 1894, 1897, 1898, 1903, 1928, 1930, 1932, 1934, 1935, 1936
    • 1948, 1949, 1950, 1953, 1960, 1962, 1963, 1964, 1966, 1973
    • 1976, 1978, 1979, 1981, 1992, 1993, 1996, 1999, 2000, 2002
    • 2003, 2008, 2009
  • Уладальнікі Кубка Лігі Шатляндыі: 27
    • 1947, 1949, 1961, 1962, 1964, 1965, 1971, 1976, 1978, 1979
    • 1982, 1984, 1985, 1987, 1988, 1989, 1991, 1993, 1994, 1997
    • 1999, 2002, 2003, 2005, 2008, 2010, 2011

Склад каманды[рэдагаваць | рэдагаваць крыніцу]

Па стане на 3 лютага 2015 году

Пазыцыя Імя Год нараджэньня
1 Сьцяг Шатляндыі Бр Кэмі Бэл 1986
2 Сьцяг Шатляндыі Аб Стывэн Сьміт 1985
3 Сьцяг Тунісу Аб Білель Масьні 1987
4 Сьцяг Канады ПА Фрэйзэр Эйрд 1995
5 Сьцяг Шатляндыі Аб Лі Ўолас 1987
6 Сьцяг Шатляндыі Аб Лі Макалах (капітан) 1978
7 Сьцяг Ангельшчыны ПА Нікі Лоў 1988
8 Сьцяг Шатляндыі ПА Ян Блэк 1985
9 Сьцяг Ірляндыі Нап Ён Дэйлі 1983
10 Сьцяг Славеніі Нап Гарыс Вучкіч (ар. Ньюкасл) 1992
11 Сьцяг Шатляндыі ПА Дэйвід Тэмплтан 1989
14 Сьцяг Шатляндыі Нап Нікі Кларк 1991
15 Сьцяг Шатляндыі Нап Крыс Бойд 1983
16 Сьцяг Францыі Аб Сэбаст’ен Фор 1991
18 Сьцяг Шатляндыі Нап Кені Мілер 1979
Пазыцыя Імя Год нараджэньня
20 Сьцяг Шатляндыі ПА Кайл Гатан 1991
22 Сьцяг Паўночнай Ірляндыі Нап Дын Шылз 1985
23 Сьцяг Шатляндыі Аб Рычард Фостэр 1985
24 Сьцяг Шатляндыі Аб Дэрэн Макгрэгар 1985
25 Сьцяг Ангельшчыны Бр Лі Робінсан 1986
26 Сьцяг Летувы Аб Марус Жалюкас 1983
28 Сьцяг Ангельшчыны Аб Рэмі Стрыт (ар. Ньюкасл) 1994
30 Сьцяг Шатляндыі Нап Калам Галагер 1994
31 Сьцяг Ангельшчыны Бр Стыў Сымансэн 1979
34 Сьцяг Шатляндыі ПА Эндзі Мэрдак 1995
52 Сьцяг Шатляндыі Нап Раян Гардзі 1997
Сьцяг Паўночнай Ірляндыі Аб Шэйн Фэрг’юсан (ар. Ньюкасл) 1991
Сьцяг Швайцарыі Аб Кевін Мбабю (ар. Ньюкасл) 1995
Сьцяг Ангельшчыны ПА Гаэль Бігірымана (ар. Ньюкасл) 1993

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg  Рэйнджарз Глазгасховішча мультымэдыйных матэрыялаў