Словазьмена

Зьвесткі зь Вікіпэдыі — вольнай энцыкляпэдыі
Стварэньне словаформаў у гішпанскай мове

Словазьмена — стварэньне словаформаў той жа лексэмы, якія маюць розныя граматычныя значэньні. Марфэмы, якія ажыцьцяўляюць словазьмену, называюцца флексіяй (лац. flexio — «згінаньне», «пераход голасу»).

Прыватнымі выпадкамі словазьмены зьяўляецца скланеньне па склонах (рука-рукі-руцэ…), спражэньне па асобах (іду-ідзеш-ідзе…), зьмяненьне па родах, часах і іншых граматычных катэгорыях. Мноства словаформаў адной лексэмы ўтвараюць словазьмяняльную парадыгму. Словазьмена супрацьпастаўляецца словаўтварэньню.