Спазма

Зьвесткі зь Вікіпэдыі — вольнай энцыкляпэдыі

Спазма (па-старажытнагрэцку: Σπασμός, ад σπάω — «выцягваць») — міжвольнае скарачэньне (сутарга) цягліцы ці групы цягліцаў, звычайна суправаджаецца рэзкім болем.

Адрозьніваюць спазмы папярочнапаласатых (шкілетных) цягліцаў (напрыклад, пры некаторых паралюшах) і гладкіх цягліцаў — судзіннай сьценкі (напрыклад, пры стэнакардыі), бронхаў (гл. бранхіяльная астма), стрававода (кардыёспазма), кішачніка і іншыя. Спазмы шкілетных цягліцаў абцяжарваюць рухі. Спазмы гладкіх цягліцаў парушаюць розныя функцыі органаў.